Advertisement
ഓണക്കാലത്ത് പാല്, തൈര്, പാലുല്പ്പന്നങ്ങളുടെയും വില്പ്പനയില് സര്വകാല റെക്കോര്ഡുമായി മില്മ. ഉത്രാട ദിനത്തില് മാത്രം 38,03, 388 ലിറ്റര് പാലും 3,97,672 കിലോ തൈരുമാണ് മില്മ ഔട്ട്ലെറ്റുകള് വഴി വിറ്റഴിച്ചത്.
തിരുവോണത്തിന് മുമ്പുള്ള ആറ് ദിവസങ്ങളിലായി മില്മ 1,19,58,751 ലിറ്റര് പാലും 14,58,278 ലക്ഷം കിലോ തൈരുമാണ് വിറ്റഴിച്ചത്. കഴിഞ്ഞ വര്ഷം ഉത്രാടം ദിനത്തില് പാലിന്റെ മൊത്തം വില്പ്പന 37 ലക്ഷം ലിറ്ററും തൈരിന്റെ വില്പ്പന 3.91 ലക്ഷം കിലോയുമായിരുന്നു.
കഴിഞ്ഞ വര്ഷത്തെക്കാള് വില്പ്പനയില് ശരാശരി അഞ്ച് ശതമാനം വളര്ച്ചയാണ് മില്മയ്ക്ക് ഇക്കുറി ഉണ്ടായത്. ഓഗസ്റ്റ് 1 മുതന് 31 വരെയുള്ള കണക്ക് പ്രകാരം നെയ്യുടെ വില്പ്പന 863.92 ടണ് രേഖപ്പെടുത്തി. കഴിഞ്ഞ വര്ഷം 663.74 ടണ് ആയിരുന്നു വില്പ്പന.
Advertisement
