തിരുവനന്തപുരം .ലൈംഗിക ആരോപണ വിവാദത്തിന് പിന്നാലെ രാഹുൽ മാങ്കൂട്ടതിലിനെതിരെ ക്രൈം ബ്രാഞ്ച്
എടുത്ത കേസിൽ മൊഴി രേഖപ്പെടുത്തലിലേക്ക് അന്വേഷണ സംഘം ഇന്ന് കടന്നേക്കും.പോലീസ് മേധാവിക്ക് ലഭിച്ച പരാതികളുടെ അടിസ്ഥാനത്തിലാണ് ക്രൈം ബ്രാഞ്ച് അന്വേഷണം.അന്വേഷണ ഉദ്യോഗസ്ഥനായ തിരുവനന്തപുരം റേഞ്ച്
ക്രൈം ബ്രാഞ്ച് ഡി.വൈ.എസ്.പി ബിനുകുമാർ
ഇന്നലെ തന്നെ പരാതി വിവരങ്ങൾ ശേഖരിച്ചിരുന്നു.ക്രൈംബ്രാഞ്ചിന്റെ ചുമതലയുള്ള എഡിജിപി എച്ച് വെങ്കിടേഷ് അന്വേഷണത്തിന് നേരിട്ട് മേല്നോട്ടം വഹിക്കും.രണ്ട് ദിവസത്തിനകം മുഴുവൻ ടീമംഗങ്ങളെയും പ്രഖ്യാപിക്കും. മാധ്യമവാര്ത്തകളുടെ അടിസ്ഥാനത്തിലുള്ള ചില പരാതികള് മാത്രമാണ് ഇപ്പോള് ക്രൈംബ്രാഞ്ചിൻറെ മുന്നിലുള്ളത്.ഇതിന്റെ അടിസ്ഥാനത്തിൽ മാത്രം അന്വേഷണവുമായി മുന്നോട്ട് പോകാനാവില്ല.രാഹുലിൽ നിന്നും മോശം അനുഭവം നേരിട്ട സ്ത്രീകള് നിയമ നടപടികളുമായി സഹകരിക്കണം.ഈ സാഹചര്യത്തിൽ അനുഭവങ്ങള് തുറന്നു പറഞ്ഞ റിനി ജോര്ജ്, അവന്തിക, ഹണി ഭാസ്കര് എന്നിവരുടെ മൊഴി ആദ്യഘട്ടത്തിലെടുക്കും.
