കെഎസ്ആര്ടിസി ബസില് കയറിയും തന്റെ കോളജ് കാലത്തെ ട്രാന്സ്പോര്ട്ട് ബസ് യാത്രാ ഓര്മകള് പങ്കുവച്ചും നടന് മോഹന്ലാല്. കെഎസ്ആര്ടിസിയുടെ ഏറ്റവും പുതിയ ബസുകളുടെ ഫ്ലാഗ് ഓഫ് ഇന്ന് വൈകിട്ട് മുഖ്യമന്ത്രി പിണറായി വിജയന് നിര്വ്വഹിക്കുന്നതിന് മുന്നോടിയായാണ് മോഹന്ലാല് കെഎസ്ആര്ടിസിയുടെ പുതിയ വോള്ബോ ബസുകള് അടക്കം പരിചയപ്പെടാന് എത്തിയത്.
കോര്പറേഷന്റെ പുതിയ വോള്ബോ ബസില് മോഹന്ലാല് യാത്ര ചെയ്യുമെന്നാണ് ആദ്യം അറിയിച്ചിരുന്നതെങ്കിലും സുരക്ഷാ കാരണങ്ങളാല് അത് ഉണ്ടാവില്ല. ”തിരുവനന്തപുരത്ത് ബസില് സഞ്ചരിക്കുക എന്ന് പറയുന്നത് ഒരു പ്രത്യേകാനുഭവം ആണ്. മുന്പ് കെഎസ്ആര്ടിസിയില് ധാരാളം സഞ്ചരിച്ചിട്ടുണ്ട്. അന്ന് ഇത്തരം ബസുകളൊന്നും ഇല്ല. ട്രാന്സ്പോര്ട്ട് എന്ന് പറയുന്നത് ഗംഭീരമായിട്ട് മാറുകയാണ്.
കംഫര്ട്ടബിള് ആയ ഒരു ട്രാന്സ്പോര്ട്ടിംഗ് സിസ്റ്റം കൊണ്ടുവരാന് ഗണേഷ് കുമാറിന് സാധിച്ചു എന്നാണ് ഞാന് കരുതുന്നത്. എന്റെ സ്നേഹിതനും കുടുബ സുഹൃത്തും ആയതുകൊണ്ട് പറയുകയല്ല. അദ്ദേഹം കെഎസ്ആര്ടിസിക്ക് വേണ്ടി ഒരുപാട് നല്ല കാര്യങ്ങള് ചെയ്യുന്നുണ്ട്”, മോഹന്ലാല് മാധ്യമങ്ങളോട് പറഞ്ഞു.
