സുൽത്താൻ ബത്തേരി: യേശു ജീവിച്ചത് മറ്റുള്ളവർക്ക് വേണ്ടിയായതിനാൽ പൗരോഹിത്യവും മറ്റുള്ളവർക്ക് വേണ്ടിയാകണമെന്ന് യാക്കോബയാ സഭ മലബാർ ഭദ്രാസനാധിപൻ മോർ സ്തേഫാനോസ് ഗീവർഗ്ഗീസ് മെത്രാപ്പൊലീത്ത പറഞ്ഞു.
കേരളത്തിലെ സഭകളുടെ ഔദ്യോഗിക ഐക്യവേദിയായ കേരള കൗൺസിൽ ഓഫ് ചർച്ചസ് (കെസിസി) വയനാട്ജില്ലാ വൈദീക സമ്മേളനം
സുൽത്താൻ ബത്തേരി സെൻ്റ് തോമസ് സി എസ് ഐ ചർച്ചിൽ ഉദ്ഘാടനം ചെയ്യുകയായിരുന്നു അദ്ദേഹം. വൈദീകർ ജീവിതത്തിലും പ്രവർത്തിയിലും മഹത്വത്തിൻ്റെ ചെറിയ മുദ്ര പതിപ്പിക്കാൻ ശ്രമിക്കണമെന്നും അദ്ദേഹം കൂട്ടി ചേർത്തു.
ക്ലർജി കമ്മീഷൻ ചെയർമാൻ റവ.എ ആർ നോബിൾ അധ്യക്ഷനായി.
കെ.സി സി ജനറൽ സെക്രട്ടറി അഡ്വ. പ്രകാശ് പി.തോമസ് മുഖ്യ പ്രഭാഷണം നടത്തി. ശുശ്രൂഷ വെല്ലുവിളികൾ മതം, വിശ്വാസം എന്ന വിഷയത്തിൽ കെ സി സി ട്രഷറർ റവ.ഡോ.റ്റി. ഐ ജെയിംസ് ക്ലാസ് നയിച്ചു.
ഓർത്തഡോക്സ് സഭ ബത്തേരി ഭദ്രാസന സെക്രട്ടറി റവ.ബേബി ജോൺ,
റവ.ട്രവർ ജ്യോതിഷ്
റവ.സാംപ്രകാശ്, ക്ലർജി കമ്മീഷൻ സംസ്ഥാന പ്രോഗ്രാം കോ ഓഡിനേറ്റർ മേജർ റ്റി.ഇ.സ്റ്റീഫൻസൺ, ക്ലർജി കമ്മീഷൻ അംഗം റവ. സിനോജ് മാഞ്ഞൂരാൻ എന്നിവർ പ്രസംഗിച്ചു.
ജില്ലാ ചെയർമാനായി റവ.സാംപ്രകാശ്, കൺവീനറായി ഫാ.ഷിബു ജോൺ എന്നിവരെ തിരഞ്ഞെടുത്തു.
