Advertisement
വയനാട്. ബന്ദിപ്പൂർ കടുവ സംരക്ഷണ കേന്ദ്രം കടന്നുപോകുന്ന ദേശീയ പാതയിൽ വിനോദ സഞ്ചാരിയെ ആക്രമിച്ച് കാട്ടാന.കാട്ടാനയുടെ ഫോട്ടോ എടുക്കാൻ ശ്രമിച്ച മലയാളി വിനോദ സഞ്ചാരി രക്ഷപ്പെട്ടത് തലനാരിഴക്ക്.ഇയാൾക്കെതിരെ കേസെടുക്കാനാണ് വനം വകുപ്പിന്റെ തീരുമാനം
അത്ഭുതകരം ആ രക്ഷപ്പെടൽ.ലോറിയിൽ നിന്ന് എടുത്ത കാരറ്റ് ശാന്തമായി കഴിച്ചുകൊണ്ട് റോഡിൽ നിൽക്കുകയായിരുന്നു കാട്ടാന.വാഹനങ്ങളുടെ നീണ്ട നിര കാത്തിരിക്കുമ്പോൾ, ഒരാൾ വാഹനത്തിൽ നിന്ന് ഇറങ്ങി ആനയുടെ ഫോട്ടോ എടുക്കാൻ ശ്രമിച്ചു.ഇതോടെ പേടിച്ചരണ്ടകാട്ടാന സഞ്ചാരിയെ ആക്രമിക്കുകയായിരുന്നു.ആനയുടെ കാൽ കീഴിൽ നിന്ന് അത്ഭുതകരമായാണ് ഇയാൾ രക്ഷപ്പെട്ടത്
വനം വകുപ്പ് നിർദേശം അവഗണിച്ച് വാഹനത്തിന് പുറത്തിറങ്ങിയ സഞ്ചാരിക്കെതിരെ നടപടിയെടുത്തേക്കുമെന്നാണ് വനം വകുപ്പ് അറിയിക്കുന്നത്.നേരിയ പരുക്കെറ്റ ഇയാൾ ചികിത്സയിൽ തുടരുകയാണ്
Advertisement
