Advertisement
കോഴിക്കോട്: വാടകവീട്ടില് സഹോദരിമാരെ മരിച്ച നിലയില് കണ്ടെത്തിയ സംഭവത്തില് ഒളിവില് പോയ സഹോദരനെ കണ്ടെത്താന് പൊലീസ് ലുക്കൗട്ട് നോട്ടീസ് പുറപ്പെടുവിച്ചു. കോഴിക്കോട് ചേവായൂരിനടുത്ത് കരിക്കാംകുളം തടമ്പാട്ടു താഴം മൂലക്കണ്ടി വീട്ടില് പ്രമോദിനെ ( 63 ) കാണുന്നവര് വിവരം പൊലീസിനെ അറിയിക്കണമെന്ന് ലുക്കൗട്ട് നോട്ടീസില് നിര്ദേശിക്കുന്നു. സഹോദരിമാര് മരിച്ചത് കൊലപാതകമാണെന്ന് പൊലീസ് സ്ഥിരീകരിച്ചിരുന്നു.
ഇന്നലെയാണ് രണ്ടു സഹോദരിമാരെയും കൊല്ലപ്പെട്ട നിലയില് കണ്ടെത്തിയത്. കൊലപാതകത്തിന് ശേഷം പ്രമോദിനെ കാണാനില്ലായിരുന്നു. കോഴിക്കോട് ചേവായൂര് പൊലീസ് രജിസ്റ്റര് ചെയ്ത കൊലപാതകക്കേസിലെ പ്രതിയാണ് ഇയാളെന്ന് ലുക്ക് ഔട്ട് നോട്ടീസില് പറയുന്നു.
പ്രമോദിനായി പൊലീസ് വ്യാപക തിരച്ചില് നടത്തിവരികയാണ്.
Advertisement
