Advertisement
റിലീസിന് തയ്യാറെടുക്കുന്ന ശ്രീനാഥ് ഭാസി ചിത്രം പൊങ്കാലയുടെ അസിസ്റ്റന്റ് ഡയറക്ടര്ക്കെതിരെ പരാതിയുമായി സംവിധായകന് എ ബി ബിനില്. സിനിമയുടെ സീനുകള് മൊബൈലില് പകര്ത്തി പ്രചരിപ്പിച്ചു എന്നാണ് പരാതി. ചിത്രീകരണം പൂര്ത്തിയാക്കിയ ചിത്രം ഒക്ടോബറിലാണ് റിലീസ് ചെയ്യുക. ഇതിനിടെ ചിത്രത്തിലെ പ്രധാന ഭാഗങ്ങള് ഉള്പ്പെടുന്ന ഒരു വിഡിയോ സമൂഹ മാധ്യമങ്ങളിലൂടെ പ്രചരിപ്പിച്ചു എ്ന്ന് ചൂണ്ടിക്കാട്ടിയാണ് പരാതി. സിനിമയുടെ സഹസംവിധായകന് ഫൈസല് ഷായ്ക്കെതിരെ അടിയന്തരമായി കേസെടുക്കണമെന്നാണ് പരാതിയിലെ ആവശ്യം.
ചിത്രത്തിന്റെ ക്ലൈമാക്സ് ഉള്പ്പെടെ ഫൈസല് ഷാ മൊബൈലില് ചിത്രീകരിച്ച് പ്രചരിപ്പിച്ചെന്നാണ് പരാതി. പത്ത് കോടിയോളം മുടക്കി ചിത്രീകരിച്ച ഈ സിനിമയുടെ റിലീസിനെ ഉള്പ്പെടെ ബാധിക്കുന്ന വിധത്തിലാണ് അസിസ്റ്റന്റ് ഡയറക്ടറുടെ പ്രവൃത്തിയെന്നാണ് ആരോപണം.
Advertisement
