കൊച്ചി.വടക്കെകോട്ട മെട്രോ സ്റ്റേഷനിൽ റെയിൽവെ ലൈനിൽ നിന്ന് യുവാവ് താഴേക്ക് ചാടി. തിരൂരങ്ങാടി സ്വദേശി നിസാറാണ് മെട്രോ ലൈനിന് മുകളിൽ നിന്ന് ചാടിയത്. ഇന്ന് വൈകിട്ട് ആയിരുന്നു സംഭവം. ഗുരുതരമായി പരിക്കേറ്റ യുവാവിനെ ഫയർഫോഴ്സ് ആശുപത്രിയിൽ പ്രവേശിപ്പിച്ചു.
ഇന്ന് ഉച്ച കഴിഞ്ഞ് 2.30 ഓടെയാണ് തിരൂരങ്ങാടി സ്വദേസി നിസാർ വടക്കെക്കോട്ട മെട്രോ സ്റ്റേഷനിൽ എത്തിയത്. ടിക്കറ്റെടുത്ത ഇയാൾ ആലുവ ഭാഗത്തേക്കുള്ള പ്ലാറ്റ് ഫോമിലാണ് എത്തിയത്. സുരക്ഷാ ജീവനക്കാരുടെ കണ്ണ് വെട്ടിച്ച് നിസാർ ട്രാക്കിന്റെ സുരക്ഷാ ഭിത്തിയിലേക്ക് ഓടിക്കയറി. ആളുകൾ പുറകെ ഓടി എത്തിയപ്പോൾ ട്രാക്കിലേക്ക് ചാടും എന്നായിരുന്നു ഭീഷണി. ഇതോടെ ട്രാക്കിലൂടെയുള്ള വൈദ്യുതി ബന്ധം ഓഫാക്കി. ഇതോടെ ഇയാൾ സുരക്ഷാ വേലിയിലേക്ക് കയറി റോഡിലേക്ക് ചായും എന്നായി ഭീഷണി. പോലീസും ഫയർ ഫോഴ്സും സ്ഥലത്തെത്തി. അനുനയ ശ്രമങ്ങൾ നടക്കുന്നതിനിടെ നിസാർ താഴത്തേക്ക് ചാടി
ഗുരുതരമായി പരിക്കേറ്റ യുവാവിനെ സ്വകാര്യ ആശുപത്രിയിൽ പ്രവേശിപ്പിച്ചു. യുവാവിന് മാനസിക പ്രശ്നങ്ങൾ ഉണ്ടോ എന്ന് പരിശോധിക്കും എന്ന് പോലീസ് പറഞ്ഞു
