ആലുവ.വെളിച്ചെണ്ണ വില കുതിച്ചുയർന്നപ്പോൾ ആലുവയിൽ 30 ലിറ്റർ വെളിച്ചെണ്ണ മോഷണം.ആലുവ തോട്ടുമുക്കത്തുള്ള പഴം പച്ചക്കറി വ്യാപാരസ്ഥാപനത്തിൽ നിന്നാണ് കള്ളൻ വെളിച്ചെണ്ണ കുപ്പികൾ ചാക്കിലാക്കി കൊണ്ടുപോയത്.വെളിച്ചെണ്ണയ്ക്ക് പുറമെ ഒരു പെട്ടി ആപ്പിൾ,10 കവർ പാൽ എന്നിവയും മോഷണം പോയി.മോഷണത്തിന്റെ സിസിടിവി ദൃശ്യങ്ങൾ 24 ന്
കുതിച്ചുയർന്ന വെളിച്ചെണ്ണ വില ചെറിയ രീതിയിൽ വിപണിയിൽ കുറയാൻ തുടങ്ങിയെങ്കിലും കള്ളൻ ഇതൊന്നും അറിഞ്ഞിട്ടില്ല.ആലുവ തോട്ടുമുക്കത്തുള്ള വ്യാപാരസ്ഥാപനത്തിൽ കയറിയ കള്ളൻ ഒരു ലിറ്ററിന്റെ 30 കുപ്പി വെളിച്ചെണ്ണയാണ് ചാക്കിൽ ആക്കി മോഷ്ടിച്ചത്.കടയുടെ പിൻഭാഗം കുഴിച്ച് കടയിൽ കയറാനായിരുന്നു ശ്രമം.ഇത് പരാജയപ്പെട്ടതോടെ കൂട്ടു തല്ലിപ്പൊളിച്ച് കടയ്ക്കുള്ളിൽ കയറി.പിന്നീട് റാക്കിൽ സൂക്ഷിച്ചിരുന്ന സോഫ്റ്റ് ഡ്രിങ്സിൽ ഒന്ന് എടുത്തു കുടിച്ചു.ഇതിനുശേഷമാണ് കടയുടെ ഉള്ളിൽ ഉണ്ടായിരുന്ന 30 കുപ്പി വെളിച്ചെണ്ണ കടയ്ക്കുള്ളിൽ നിന്നു തന്നെ ചാക്ക് കൊണ്ടുവന്ന എടുത്തത്. വെളിച്ചെണ്ണ ചാക്കിൽ ആക്കി കഴിഞ്ഞപ്പോഴാണ് 10 കവർ പാല് കൂടി എടുക്കാൻ തീരുമാനിച്ചത്.ഇതിനുപുറമേ കടയ്ക്കുള്ളിൽ ഉണ്ടായിരുന്ന ഒരു പെട്ടി ആപ്പിളും കൊണ്ടാണ് കള്ളൻ സ്ഥലംവിട്ടത്.സംഭവത്തിൽ കട ഉടമയുടെ പരാതി ഇതുവരെ ലഭിച്ചിട്ടില്ല എന്നാണ് ആലുവ പോലീസ് പറയുന്നത്.വിവരങ്ങൾ മാധ്യമങ്ങളിലൂടെ പുറത്തു വന്നതോടെ പോലീസ് അന്വേഷണവും ആരംഭിച്ചിട്ടുണ്ട്.സിസിടിവി ദൃശ്യങ്ങളുടെ അടിസ്ഥാനത്തിലാണ് പോലീസ് അന്വേഷണം തുടങ്ങിയിരിക്കുന്നത്.
