കോതമംഗലത്ത് യുവതി ആണ് സുഹൃത്ത് അന്സിലിനെ വിഷം കൊടുത്തു കൊലപ്പെടുത്തിയ കേസില് കൊലപാതകത്തിനുള്ള തയ്യാറെടുപ്പ് രണ്ടു മാസങ്ങള്ക്കു മുന്പ് അദീന ആരംഭിച്ചിരുന്നു എന്ന് പോലീസിന്റെ കണ്ടെത്തൽ. കേസ് പിന്വലിക്കാന് വാഗ്ദാനം ചെയ്ത പണം നല്കാത്തതിനെ തുടര്ന്നുള്ള തര്ക്കത്തിലാണ് പ്രതി അദീന, ആണ് സുഹൃത്തായ അന്സിലിനെ കൊലപ്പെടുത്തിയതെന്നും പോലീസ് വ്യക്തമാക്കുന്നു.
അതേസമയം ദീര്ഘകാലമായുള്ള ബന്ധത്തിനിടെ തന്നെ ഉപദ്രവിച്ചുവെന്ന പ്രതി അദീനയുടെ പരാതിയില് കോതമംഗലം പൊലീസ് അന്സിലിനെതിരെ നേരത്തെ കേസ് എടുത്തിരുന്നു. കേസ് പിന്വലിക്കണമെന്ന് ആവശ്യപ്പെട്ട അന്സില് ഇതിനായി അദീനയ്ക്ക് പണവും വാഗ്ദാനം ചെയ്തിരുന്നു എന്നാണ് ലഭിക്കുന്ന വിവരം. എന്നാല് കേസ് പിന്വലിച്ചിട്ടും പണം നല്കാന് അന്സില് തയ്യാറായില്ല. ഇതിനെ തുടര്ന്ന് പലപ്പോഴായി ഇരുവരും തമ്മില് തര്ക്കമുണ്ടായി. ഈ തര്ക്കമാണ് കൊലപാതകത്തില് കലാശിച്ചതെന്നാണ് പൊലീസ് കണ്ടെത്തിയിരിക്കുന്നത്.
അദീന ഒറ്റയ്ക്ക് താമസിക്കുന്ന വീട്ടില് ബുധനാഴ്ച പുലര്ച്ചെ 4.30 ഓടെയാണ് കൃത്യം നടത്തിയതെന്ന് പൊലീസ് പറഞ്ഞു.
അതേസമയം വിഷം അന്സില് കൊണ്ടുവന്നതെന്നായിരുന്നു അദീന ആദ്യം നല്കിയ മൊഴി. എന്നാല് കളനാശിനി ദിവസങ്ങള്ക്ക് മുന്പുതന്നെ വാങ്ങിവെച്ചിരുന്നതായി പോലീസ് അന്വേഷണത്തില് കണ്ടെത്തി. ആശുപത്രിയിലേക്ക് പോകുമ്പോള് ആംബുലന്സില്വെച്ച് അന്സില് നടത്തിയ വെളിപ്പെടുത്തലും നിര്ണ്ണായകമായി. അവള് വിഷം നല്കി, എന്നെ ചതിച്ചുവെന്നാണ് അന്സില് പറഞ്ഞത്.
