പത്തനംതിട്ട. പറക്കോട് വയോധികനെ മർദ്ദിക്കുന്ന ദൃശ്യങ്ങൾ പുറത്ത്. 66 കാരൻ തങ്കപ്പനാണ് മർദ്ദനമേറ്റത്. സംഭവത്തിൽ തങ്കപ്പന്റെ മകനും മരുമകൾക്കും എതിരെ അടൂർ പോലീസ് കേസ് എടുത്തു. മർദ്ദനത്തിന് കാരണം കുടുംബ പ്രശ്നങ്ങൾ..
കഴിഞ്ഞ ഞായറാഴ്ച ഉച്ചയ്ക്കാണ് പത്തനംതിട്ട പറക്കോട് സ്വദേശി തങ്കപ്പനെ മകനും മരുമകളും ചേർന്ന് മർദ്ദിച്ചത്.. മറ്റൊരു വീട്ടിൽ താമസിക്കുന്ന തങ്കപ്പൻ ഇളയ മകൻ സിജുവിനെ കാണാനെത്തി.. വീട്ടുവളപ്പിൽ പ്രവേശിച്ച തങ്കപ്പനെ മകൻ സിജു ആണ് ആദ്യം പൈപ്പ് കൊണ്ടും അടിച്ചു.. പിന്നാലെ മരുമകൾ സൗമ്യ കമ്പുകൊണ്ട് തല്ലുന്നതും ദൃശ്യങ്ങളിൽ വ്യക്തം.
ഏറെ നാളായി നിന്നിരുന്ന കുടുംബ പ്രശ്നങ്ങളാണ് മർദ്ദനത്തിൽ കലാശിച്ചത്. സംഭവമറിഞ്ഞ് സ്ഥലത്തെത്തിയ
അടൂർ പോലീസ് മകൻ സിജു മരുമകൾ സൗമ്യ എന്നിവരെ കസ്റ്റഡിയിൽ എടുത്തു.. പിന്നാലെ ഇരുവർക്കും എതിരെ എഫ്ഐആർ രജിസ്റ്റർ ചെയ്യുകയും ചെയ്തു. അടൂർ പോലീസ്
കേസെടുത്തു അതോടെ വീട്ടുകാർ തന്നെ പരസ്പരം സംസാരിച്ചു പ്രശ്നങ്ങൾ പരിഹരിച്ചു. കുടുംബ പ്രശ്നമെന്നും നിയമനടപടികളുമായി പോകാൻ താല്പര്യമില്ലെന്നുമാണ് തങ്കപ്പൻ വിശദീകരിക്കുന്നത്.. ഇക്കാര്യം കാര്യം രേഖാമൂലം പോലീസിനെ അറിയിച്ചതായാണ് വിവരം
