കൊച്ചി.സംസ്ഥാനത്ത് വെളിച്ചെണ്ണ വില കുതിച്ചുയരുന്നു. ഒരു ലിറ്റർ വെളിച്ചെണ്ണയുടെ വില 450 ന് മുകളിൽ ആണ് . ഓണത്തിന് മുൻപ് എണ്ണ വില 600 കടക്കും എന്നാണ് വ്യാപാരികളുടെ വിലയിരുത്തൽ. വിലക്കയറ്റം ഈ നിലയിൽ തുടരുകയാണെങ്കിൽ ഇത്തവണത്തെ ഓണസദ്യയിൽ വെളിച്ചെണ്ണയിൽ പാകം ചെയ്ത ഇനങ്ങളുടെ അളവും കുറയാനാണ് സാധ്യത.
കറിക്ക് വറവ് താളിക്കാനും കാച്ചിയ എണ്ണ തേച്ചു കുളിക്കാനും എന്നുവേണ്ട മലയാളിയുടെ ജീവിതത്തിൽ വെളിച്ചെണ്ണയ്ക്കുള്ള സ്ഥാനം വളരെ വലുതാണ് . എന്നാൽ ഇപ്പോൾ വെളിച്ചെണ്ണ വിലയിൽ തിളച്ചു മറിയുകയാണ് അടുക്കള ബജറ്റ്. ഒരു ലിറ്റർ വെളിച്ചെണ്ണക്ക് ഹോൾസെയിൽ മാർക്കറ്റുകളിൽ 420 ഉം റീട്ടെയിൽ കടകളിൽ 450നും മുകളിലാണ് വില. ഓണം എത്തും മുൻപ് 600 കടക്കുമെന്നാണ് വ്യാപാരികളുടെ വിലയിരുത്തൽ.
വെളിച്ചെണ്ണയുടെ വില കുതിച്ചുയരുന്നത് കുടുംബ ബജറ്റിനെ ബാധിക്കുന്നതായും, ഈ സാഹചര്യത്തിൽ ‘കോക്കനട്ട് ഓയിൽ ഫ്രീ’ മെനു ഒരുക്കേണ്ടിവരുമെന്നും വീട്ടമ്മമാർ ആശങ്ക പ്രകടിപ്പിക്കുന്നു.
വെളിച്ചെണ്ണയുടെ വില ഉയരുന്നത് കൊണ്ട്, പാമോയിലിനും സൺഫ്ലവർ ഓയിലിനും ആവശ്യകത വർധിച്ചിരിക്കുകയാണ്.വിലക്കയറ്റം ഈ നിലയിൽ തുടരുകയാണെങ്കിൽ ഇത്തവണത്തെ ഓണസദ്യയിൽ വെളിച്ചെണ്ണയിൽ പാകം ചെയ്ത ഇനങ്ങളുടെ അളവും കുറയാനാണ് സാധ്യത
