Advertisement
‘മഞ്ഞുമ്മല്‍ ബോയ്‌സ്’ സാമ്പത്തികത്തട്ടിപ്പ് കേസില്‍ നടന്‍ സൗബിന്‍ ഷാഹിര്‍ അറസ്റ്റില്‍. കോടതി മുന്‍കൂര്‍ജാമ്യം അനുവദിച്ചിരുന്നു. ഇതോടെ അറസ്റ്റ് രേഖപ്പെടുത്തി വിട്ടയച്ചു.
പണം മുഴുവന്‍ താന്‍ നല്‍കിയതാണെന്നും ലാഭവിഹിതവും നല്‍കാന്‍ താന്‍ തയാറാണെന്നും സൗബിന്‍ മാധ്യമങ്ങളോട് നേരത്തെ പ്രതികരിച്ചു. കേസില്‍ മരട് പൊലീസിന് മുന്നില്‍ വീണ്ടും ചോദ്യം ചെയ്യലിന് ഹാജരായപ്പോഴാണ് സൗബിന്റെ പ്രതികരണം. ലാഭവിഹിതം മാറ്റി വച്ചിട്ടുണ്ടെന്നും അതിനിടയിലാണ് തനിക്കെതിരെ കേസ് കൊടുത്തതെന്നും സൗബിന്‍ പറഞ്ഞു. സിനിമയുടെ 40 ശതമാനം ലാഭവിഹിതം വാഗ്ദാനം ചെയ്ത് ഏഴ് കോടി രൂപ നിക്ഷേപിച്ചതിന് ശേഷം ലാഭവിഹിതവും പണവും നല്‍കിയില്ലെന്ന് കാണിച്ച് സിറാജ് വലിയതുറ നല്‍കിയ പരാതിയിലാണ് പൊലീസ് കേസെടുത്തത്.
Advertisement
