മലപ്പുറം. തലപ്പാറയിൽ കാറും സ്കൂട്ടറും കൂട്ടിയിടിച്ചുണ്ടായ അപകടത്തിൽ തോട്ടിലേക്ക് തെറിച്ച് വീണ യുവാവിന് വേണ്ടിയുള്ള തിരച്ചിൽ തുടരുന്നു.തലപ്പാറ വലിയപറമ്പ് സ്വദേശി മുഹമ്മദ് ഹാഷിറിന് വേണ്ടിയാണ് തോട്ടിൽ തിരച്ചിൽ നടത്തുന്നത്.ഇന്നലെ വൈകുന്നേരമായിരുന്നു അപകടം
ഇന്നലെ വൈകുന്നേരം 6:30 ന് ദേശീയപാതയുടെ സർവീസ് റോഡിൽ തലപ്പാറ പാലത്തിന് മുകളിൽ ആണ് അപകടം.കാറും തെറ്റായ ദിശയിൽ വന്ന സ്കൂട്ടറും കൂട്ടിയിടിച്ചു.ഇടിയുടെ ആഘാതത്തിൽ സ്കൂട്ടർ ഓടിച്ചിരുന്ന മുഹമ്മദ് ഹാഷിർ റോഡിന്റെ കൈവരികൾക്ക് മുകളിലൂടെ സമീപത്തെ കിഴക്കൻ തോട്ടിലേക്ക് വീണു.പിന്നാലെ വന്ന യാത്രക്കാരൻ യുവാവിനെ രക്ഷിക്കാൻ തോട്ടിലേക്ക് എടുത്ത് ചാടി എങ്കിലും രക്ഷിക്കാനായില്ല.യുവാവിന് വേണ്ടി ഇന്നലെ രാത്രി വൈകി അവസാനിപ്പിച്ച തിരച്ചിൽ രാവിലെ പുനരാരംഭിച്ചു
കിഴക്കൻ തോട്ടിൽ ഒരു കിലോമീറ്ററോളം ആണ് തിരച്ചിൽ നടത്തുന്നത്.ഫയർ ഫോഴ്സും,നാട്ടുകാരും സന്നദ പ്രവർത്തകരും ചേർന്നാണ് തിരച്ചിൽ
