തിരുവനന്തപുരം: കേരള പ്രദേശ് പ്രവാസി കോൺഗ്രസിന്റെ ആഭിമുഖ്യത്തിൽ എസ് എസ് എൽ സി, പ്ലസ് 2 പരീക്ഷകളിൽ ഉന്നത വിജയം വരിച്ച കുട്ടികളുടെ അനുമോദന വേദിയായ ‘വിന്നേഴ്സ് ഡേ-സീസൺ 2’
സംഘടിപ്പിച്ചു.
300ഓളം കുട്ടികൾ അനുമോദനം ഏറ്റുവാങ്ങി. ജില്ലാ കോൺഗ്രസ് കമ്മിറ്റി ഓഫീസിൽ ജില്ലാ പ്രസിഡന്റ് മിനിലാലിന്റെ അധ്യക്ഷതയിൽ ചേർന്ന അനുമോദന സമ്മേളനം മുൻ എം പി കെ മുരളീധരൻ ഉദ്ഘാടനം ചെയ്തു. ഡിസിസി പ്രസിഡന്റ് പാലോട് രവി, മുൻ മന്ത്രി വിഎസ് ശിവകുമാർ, മുൻ ചീഫ് സെക്രട്ടറി ജിജി തോംസൺ, ടി ശരത് ചന്ദ്രപ്രസാദ്, പ്രവാസി കോൺഗ്രസ് സംസ്ഥാന പ്രസിഡന്റ് എൽ.വി അജയകുമാർ, സംസ്ഥാന ജനറൽ സെക്രട്ടറിമാരായ ടി ജെ മാത്യു, യു എം കബീർ, കൈരളി ശ്രീകുമാർ, ഈ എം നസീർ, ജില്ലാ ഭാരവാഹികളായ ദീപാ ഹിജിനെസ്സ്, സഫീർ ആലംകോട്, ഡി സുദർശൻ, സുനിൽ പാറ്റൂർ,എം എസ് നായർ, അഹ്‌മദ്‌ അലി, ഇൻകാസ് ഷാർജ വൈസ് പ്രസിഡന്റ് ജിഷാദ് അലി മുരുക്കുമ്പുഴ, ശരത്, റഷീദ് റാവുത്തർ, എസ് എ കെ തങ്ങൾ, ആറ്റുകാൽ ശ്രീകണ്ഠൻ, രമണൻ, കെ കെ ഗോപി, സനിൽ, സിരാജുദീൻ, ആനന്ദേശ്വരം അനിൽ, വിളയിൽ നാസർ, ഹക്കിം, രമേശൻ നായർ, തെന്നൂർ ശിഹാബ്, ലെനിൻ ഗോമസ്, നാസറുദ്ദിൻ നാവായിക്കുളം എന്നിവർ പ്രസംഗിച്ചു.
ഈ വർഷത്തെ പ്രവാസി സുവർണ്ണ പുരസ്കാര ജേതാവ് സൂര്യപ്രഭാ ഗ്രൂപ്പ്‌ എം ഡി കെ പി മോഹനെ ആദരിച്ചു.
അഡ്വ ടി ശരത് ചന്ദ്ര പ്രസാദ് ലഹരി വിരുദ്ധ പ്രതിജ്ഞ ചൊല്ലിക്കൊടുത്തു.
