തൃശൂർ. കടങ്ങോട് കുടുംബാരോഗ്യ കേന്ദ്രത്തിന് സമീപം 4 കഞ്ചാവ് ചെടികൾ. വടക്കാഞ്ചേരി എക്സൈസ് നടത്തിയ പരിശോധനയിലാണ് കഞ്ചാവ് ചെടികൾ കണ്ടെത്തിയത്. കുടുംബാരോഗ്യ കേന്ദ്രം മറയാക്കി അവിടെ ചികിത്സയ്ക്ക് എന്ന വ്യാജേന കഞ്ചാവ് കൈമാറ്റവും വില്പനയും നടക്കാറുണ്ടെന്ന് ആരോപണമുണ്ട്. രാത്രികാലങ്ങളിൽ സാമൂഹ്യവിരുദ്ധരുടെ ശല്യമുണ്ടെന്നും പരിസരവാസികൾ പരാതിപ്പെട്ടിരുന്നു. ഇതിൻ്റെ അടിസ്ഥാനത്തിൽ നടത്തിയ പരിശോധനയിലാണ് കഞ്ചാവ് ചെടികൾ കണ്ടെത്തിയത്. അറസ്റ്റ് ഉടനെ ഉണ്ടാവുമെന്നും വരും ദിവസങ്ങളിലും മേഖലകളിൽ നിരീക്ഷണങ്ങളും പട്രോളിങ്ങും ഉണ്ടാകുമെന്നും എക്സൈസ് അറിയിച്ചു.