കാഞ്ചീപുരം . കുന്നവാക്കത്ത് കരിങ്കൽ ക്വാറിക്ക് സമീപമുള്ള കുളത്തിൽ വീണ മലയാളി യുവാവിന്റെ മൃതദേഹം കണ്ടെത്തി. മലപ്പുറം നിലമ്പൂർ സ്വദേശി അശ്മിൽ ആണ് മരിച്ചത്. ഇന്നലെ വൈകിട്ട് ആയിരുന്നു അപകടം.
മൃതദേഹം നാളെ നാട്ടിൽ എത്തിക്കും
ആറ് മാസമായി അഷ്മിൽ ചെന്നൈയിൽ ഇന്റേൺഷിപ് ചെയ്യുകയാണ്. അവധി ദിവസം ആയതിനാൽ ഇന്നലെ വൈകിട്ട് നാലരയോടെ സുഹൃത്തുക്കൾക്കൊപ്പം കുന്നവാക്കത്ത് കുളിക്കാൻ എത്തി. ഇതിനിടയിലാണ് അപകടമുണ്ടാകുന്നത്. ഒപ്പമുള്ളവർ പിടിച്ചു കയറ്റാൻ ശ്രമിച്ചെങ്കിലും ആഷ്മിൽ മുങ്ങിപ്പോയി
ഉടൻ തന്നെ പൊലീസിനെ വിവരമറിയിച്ചെങ്കിലും രക്ഷാപ്രവർത്തനം വൈകി. മാത്രമല്ല ഇന്ന് വൈകിട്ട് വരെയും ഒരു ഡിങ്കി ബോട്ടിൽ മാത്രമാണ് ആശ്മിലിനായി തെരച്ചിൽ നടത്തിയത്. വൈകിട്ട് സ്‌കൂബാ ഡൈവേഴ്‌സ് എത്തി നടത്തിയ തെരച്ചിലിൽ ആഷ്മിലിന്റെ മൃതദേഹം കണ്ടെത്തി. പോസ്റ്റ്‌ മോർട്ടത്തിന് ശേഷം നാളെ മൃതദേഹം നാട്ടിൽ എത്തിക്കും.
