Advertisement
കൊച്ചി: കേന്ദ്ര മന്ത്രി സുരേഷ് ഗോപി നായകനായ ജാനകി വേർസസ് സ്റ്റേറ്റ് ഓഫ് കേരള എന്ന സിനിമ ശനിയാഴ്ച കാണുമെന്ന് ഹൈക്കോടതി.പാലാരിവട്ടത്തെ ലാൽ മീഡിയയിൽ ചിത്രം കണ്ട ശേഷം ബുധനാഴ്ച കേസ് വീണ്ടും പരിണിക്കുമെന്ന് ജസ്റ്റീസ് എൻ നഗരേഷ് ഉത്തരവിട്ടു.
നിർമ്മിതാക്കൾ നൽകിയ ഹർജിയിലായിരുന്നു കോടതിയുടെ അസാധാരണ നടപടി.
സെൻസർ സർട്ടിഫിക്കറ്റ് നൽകാത്തതിനെതിരെയായിരുന്നു നിർമാതാക്കൾ ഹൈക്കോടതിയിൽ ഹർജി നൽകിയിരുന്നത്. ടീസറിന് സർട്ടിഫിക്കറ്റ് നൽകിയിരുന്നുവെന്ന് ഹർജിക്കാർ വാദിച്ചു. 3 മാസമായി ടീസർ പുറത്തിറങ്ങിയിട്ട്. സ്ക്രീനിങ് കമ്മിറ്റി സിനിമ കണ്ടു. അവർ അംഗീകരിച്ചിരുന്നുവെന്നും ഹർജിക്കാർ കോടതിയിൽ വാദിച്ചു.
Advertisement
