തിരുവനന്തപുരം കാര്യവട്ടം ക്യാമ്പസിലെ ഹോസ്റ്റൽ ഭക്ഷണത്തിൽ നിന്ന് പുഴുവിനെ കണ്ടെത്തി. ഉച്ചയ്ക്ക് വിതരണം ചെയ്ത ഭക്ഷണത്തിലാണ് പുഴുവുള്ളതായി കണ്ടെത്തിയത്.തുടർന്ന് വിദ്യാർഥിനികൾ ഭക്ഷണം ബഹിഷ്കരിച്ചു
കാര്യവട്ടം ക്യാമ്പസിലെ പെൺകുട്ടികളുടെ ഹോസ്റ്റലിൽ ഇന്ന് ഉച്ചയോടെ വിതരണം ചെയ്ത ഭക്ഷണത്തിലായിരുന്നു പുഴുവിനെ കണ്ടെത്തിയത്. ഹൈദരാബാദ് സ്വദേശിയായ നാലാം വർഷ യു ജി വിദ്യാർത്ഥിനിക്കായിരുന്നു ദുരനുഭവം
വിഷയം ശ്രദ്ധയിൽപ്പെട്ടതിനെ തുടർന്ന് വിദ്യാർത്ഥിനികൾ ഭക്ഷണം ബഹിഷ്കരിച്ചു.മുൻപും ക്യാമ്പസിൽ ഹോസ്റ്റൽ ഭക്ഷണവുമായി ബന്ധപ്പെട്ട് വിഷയങ്ങൾ ഉണ്ടായിട്ടുണ്ടെന്ന് വിദ്യാർഥികൾ പറയുന്നു. ഹോസ്റ്റലിലെ ഭക്ഷ്യസുരക്ഷ ഉറപ്പുവരുത്തണമെന്ന് ആവശ്യപ്പെട്ട് വിദ്യാർത്ഥികൾ അധികൃതർക്ക് പരാതി നൽകി. അതേസമയം നാലാം വർഷ UG വിദ്യാർഥികളുടെ ഹോസ്റ്റൽ കെട്ടിടത്തിന്റെ അവസ്ഥ ശോചനീയമാണെന്നും, ഹോസ്റ്റൽ പരിസരങ്ങളിൽ മലിനജലം കെട്ടിക്കിടക്കുന്നുവെന്നും വിദ്യാർത്ഥികൾ പരാതി ഉന്നയിക്കുന്നു.