Advertisement
കുമ്പളയില്‍ പൊലീസിനെ വെല്ലുവിളിച്ച് റീല്‍ ചിത്രീകരിച്ച് പ്രചരിപ്പിച്ച ഒമ്പത് യുവാക്കള്‍ക്കെതിരെ പൊലീസ് കേസെടുത്തു. കുമ്പള പൊലീസ് ആണ് കേസെടുത്തിരിക്കുന്നത്. കുമ്പള ടൗണില്‍ വാക്കുതര്‍ക്കമുണ്ടായ സംഭവത്തില്‍ പൊലീസ് സ്റ്റേഷനിലേക്ക് വിളിച്ചു വരുത്തിയ യുവാക്കളാണ് റീല്‍ ഇട്ടത്. വധശ്രമത്തിന് കേസെടുക്കുന്നുവെന്നും പേടിപ്പിക്കാന്‍ നോക്കരുതെന്നും പറഞ്ഞാണ് യുവാക്കള്‍ റീല്‍ ചെയ്തത്. കേസെടുത്തുവെന്ന് തെറ്റിദ്ധരിച്ചാണ് യുവാക്കള്‍ റീല്‍ ചെയ്തത്. നിയമ സംവിധാനത്തെ വെല്ലുവിളിച്ച് ക്രമസമാധാനം തകര്‍ക്കാന്‍ പ്രേരണ നല്‍കിയതിനാണ് യുവാക്കള്‍ക്കെതിരെ ഇപ്പോള്‍ കേസെടുത്തിരിക്കുന്നത്.
Advertisement
