തൃശൂര്.കനത്ത മഴയെ തുടർന്ന് പീച്ചി ഡാം ഷട്ടര് ഇന്ന് ഉയര്ത്തും. മണലി, കരുവന്നൂര് പുഴകളുടെ തീരത്തുള്ളവര് ജാഗ്രത പുലര്ത്തണമെന്ന് ജില്ലാ കളക്ടർ അറിയിച്ചു. മഴമൂലം പീച്ചി ഡാമിലേക്ക് നീരൊഴുക്ക് വര്ധിച്ചതിനാല് ജലനിരപ്പ് നിയന്ത്രിക്കുന്നതിനായി രാവിലെ 11 മുതല് ഡാമിന്റെ നാല് ഷട്ടറുകളും നാല് ഇഞ്ച് (പത്ത് സെ.മി) വീതം തുറന്ന് മണലിപ്പുഴയിലേക്ക് വെള്ളം ഒഴുക്കും. മണലി, കരുവന്നൂര് പുഴകളില് നിലവിലെ ജലനിരപ്പില്നിന്നും പരമാവധി 30 സെ.മി കൂടി ഉയരാന് സാധ്യതയുള്ളതിനാല് തീരത്ത് താമസിക്കുന്നവര് ജാഗ്രത പുലര്ത്തണമെന്ന് അർജുൻ പാണ്ഡ്യൻ അറിയിച്ചു