നേമം. ഭാരതാംബ ചിത്ര വിവാദത്തെ തുടർന്നുള്ള ബിജെപി – സിപിഐഎം ഏറ്റുമുട്ടൽ തെരുവിലേക്ക്. മന്ത്രി വി ശിവൻകുട്ടിയുടെ നേമത്തെ ഓഫീസിനു മുന്നിൽ ബിജെപി പ്രവർത്തകർ ഭാരതാംബയുടെ ചിത്രം വെച്ച് പുഷ്പാർച്ചന നടത്തി. മന്ത്രി വി ശിവൻകുട്ടിയുടെ കൂറ്റൻ കട്ടൗട്ട് ഉയർത്തി സിപിഐഎം പ്രതിരോധം. രണ്ടു മണിക്കൂറോളം സ്ഥലത്ത് സംഘർഷാവസ്ഥ നിലനിന്നു.
ബിജെപി പാപ്പനംകോട് ഏരിയ കമ്മിറ്റിയുടെ നേതൃത്വത്തിലായിരുന്നു മന്ത്രി വി ശിവൻകുട്ടിയുടെ നേമത്തെ എംഎൽഎ ഓഫീസിലേക്ക് പ്രതിഷേധ മാർച്ച്.ഓഫീസിനു മുന്നിൽ, അഖണ്ഡ ഭാരത ഭൂപട പശ്ചാത്തലത്തിൽ കാവിക്കൊടിയേന്തിയ
ഭാരതാംബയുടെ ചിത്രം സ്ഥാപിച്ച് പുഷ്പാർച്ചനയും നടത്തി
MLA ഓഫീസ് പരിസരത്ത് സംഘടിച്ച സിപിഐഎം പ്രവർത്തകർ തിരികെ മുദ്രാവാക്യം ഉയർത്തി
പിന്നാലെ വി ശിവൻകുട്ടിയുടെ കൂറ്റൻ കട്ട് ഔട്ട് ഉയർത്തി കാട്ടി പ്രകോപനം.
കൂക്കിവിളിച്ച ബിജെപി പ്രവർത്തകർ ഭാരതാംബയുടെ ചിത്രം തിരികെ ഉയർത്തി തിരിച്ചടിച്ചു.
സിപിഐഎം പ്രവർത്തകരും കൂക്കി വിളിച്ചതോടെ സ്ഥലത്തെ സംഘർഷ സാഹചര്യം മൂർച്ഛിച്ചു.
സംഘർഷ സാധ്യത കണക്കിലെടുത്ത് വൻ പോലീസ് സന്നാഹമാണ് പാപ്പനംകോട് തമ്പടിച്ചിരുന്നത്. സംഘർഷം ഒഴിവാക്കാൻ പോലീസ് നന്നേ പണിപ്പെട്ടു. സമാന സാഹചര്യം തുടരുമെന്ന് പ്രഖ്യാപിച്ച് നേതാക്കളും.
പ്രതിഷേധ പ്രകടനം നടത്തിയാണ് ഇരു വിഭാഗവും പിരിഞ്ഞത്.
