കൊട്ടാരക്കര: കുളക്കടയിലെ ചായക്കടയില്‍ ബുള്‍സൈയ്ക്ക് പ്ളാസ്റ്റിക് മുട്ട! കുളക്കട കിഴക്ക് തുരുത്തിലമ്ബലം കവലയിലെ അനിതയുടെ കടയിലാണ് മുട്ടയില്‍ മറിമായം കണ്ടെത്തിയത്.
ഇന്നലെ രാവിലെ
കടയിലെത്തിയ ആള്‍ ബുള്‍സൈ ആവശ്യപ്പെട്ടപ്പോള്‍ തയ്യാറാക്കി നല്‍കിയതാണ്. നിമിഷ നേരം കൊണ്ട് ഇത് പ്ളാസ്റ്റിക്കിന് തുല്യമായി. മഞ്ഞക്കരു സാധാരണപോലെയായിരുന്നെങ്കിലും ബാക്കിയുള്ള ഭാഗം തീർത്തും പ്ളാസ്റ്റിക്കുപോലെയായിരുന്നു. പിന്നീട് രണ്ട് മുട്ടകള്‍ കൂടി ഇതേരീതിയില്‍ ബുള്‍സൈയാക്കിയപ്പോഴും സമാന രീതി കണ്ടു.
രുചിയിലും മുട്ടയുടെ രുചി ഉണ്ടായിരുന്നില്ല. പ്ളാസ്റ്റിക്കുപോലെ വലിയുകയും ചവയ്ക്കാൻ ബുദ്ധിമുട്ടുണ്ടാവുകയും ചെയ്തു. മുട്ടവില്‍പ്പനക്കാർ വാഹനത്തില്‍ കൊണ്ടുവന്ന് നല്‍കിയ മുട്ടകളിലാണ് മറിമായം. ശേഷിക്കുന്ന മുട്ട ഉപയോഗിക്കുന്നില്ലെന്ന് കടയുടമ പറഞ്ഞു. ആരോഗ്യ വകുപ്പ് അധികൃതരെ വിവരം അറിയിച്ചു.
