തിരുവനന്തപുരം.ആശമാരുടെ സമരം പൊളിക്കാൻ വീണ്ടും നിർബന്ധിത ട്രയിനിംഗുമായി സർക്കാർ.. നാളെ ഉച്ചവരെ രണ്ട് ബാച്ചുകളായി തിരിഞ്ഞ് ഓൺലൈൻ ട്രെയിനിങ്ങിൽ പങ്കെടുക്കണമെന്ന് കാണിച്ച് NHM ഇന്ന് ഉത്തരവ് ഇറക്കി. സമരയാത്രയുടെ സമാപനം പൊളിക്കാനുള്ള സർക്കാർ നീക്കും അംഗീകരിക്കിലെന്ന് സമരക്കാർ അറിയിച്ചു
കേരള ആശ ഹെൽത്ത് വർക്കേഴ്സ് അസോസിയേഷൻ്റെ നേതൃത്വത്തിൽ
45 ദിവസമായി നടത്തിവരുന്ന രാപകൻ സമര യാത്ര നാളെ മഹാറാലിയായി സമാപിക്കാൻ ഇരിക്കെയാണ് സർക്കാരിൻ്റെ പുതിയ നീക്കം. ഇന്ന് ഇറക്കിയ ഉത്തരവ് പ്രകാരം നാളെ എല്ലാ ആശമാരും പരിശീലന പരിപാടിയിൽ പങ്കെടുക്കണം.. 10:30 മുതൽ 12: 30 വരെ രണ്ട് ബാച്ചായി തിരിഞ്ഞ് എല്ലാ ജില്ലകളിലെയും ആശമാർ പരിശീലനത്തിൽ പങ്കെടുക്കണം.. സ്വന്തം ലോഗിൻ ഐഡി ഉപയോഗിച്ച് ഓൺലൈനായിട്ടാണ് പരിശീലനത്തിൽ പങ്കെടുക്കേണ്ടത്.. മഹാറാലി പൊളിക്കാനുള്ള സർക്കാർ നീക്കം നടപ്പാകില്ലെന്ന് സമരക്കാർ പ്രതികരിച്ചു
നാളെ പണിമുടക്ക് പ്രഖ്യാപിച്ച് KAHWA ജൂൺ 5 ന് NHM ഡയറക്ടർക്ക് നോട്ടീസ് നൽകിയിരുന്നു… നേരത്തെ സമരക്കാർ സെക്രട്ടറിയേറ്റ് ഉപരോധം പ്രഖ്യാപിച്ചപ്പോൾ അത് പൊളിക്കാൻ പാലിയേറ്റീവ് പരിശീലനം NHM നിശ്ചയിച്ചിരുന്നു..
