തിരുവനന്തപുരം: പ്രകൃതിയെ സംരക്ഷിക്കുക എന്നത് ക്രൈസ്തവ വിശ്വാസികൾക്ക് ദൈവം നൽകുന്ന ഉത്തരവാദിത്വമാണന്ന്
സെന്റ് തോമസ് ഇവാഞ്ചലിക്കൽ ചർച്ച് ഓഫ് ഇന്ത്യ ഫെല്ലോഷിപ്പ് ബിഷപ്പ് ഡോ ജോർജ് ഈപ്പൻ.
പരിസ്ഥിതിക്ക് ദോഷം വരുന്ന ഏത് പ്രവർത്തനങ്ങൾക്കും എതിരെ പ്രവർത്തിക്കാൻ സഭകളും സഭാഐക്യ പ്രസ്ഥാനങ്ങളും മുന്നിട്ടിറങ്ങണമെന്നും അദ്ദേഹം പറഞ്ഞു. കേരള കൗൺസിൽ ഓഫ് ചർച്ചസ് (കെസിസി)തിരുവനന്തപുരം ജില്ലാ പരിസ്ഥിതി കമ്മീഷന്റെ നേതൃത്വത്തിൽ സഭാ ആസ്ഥാനത്തിൽ വൃക്ഷതൈ നട്ടുകൊണ്ട് സംസാരിക്കുകയാരുന്നു അദ്ദേഹം. സമ്മേളനത്തിൽ ജില്ലാ പരിസ്ഥിതി കമ്മീഷൻ ചെയർമാൻ അശ്വിൻ ഇ ഹാംലെറ്റ് അധ്യക്ഷത വഹിച്ചു. കെ. സി. സി ജില്ലാ പ്രസിഡന്റ്‌ റവ. എ. ആർ. നോബിൾ, സെക്രട്ടറി റവ. ഡോ. എൽ. റ്റി. പവിത്രസിംഗ്, സംസ്ഥാന ജന്റർ ആൻഡ് സെക്സ്വൽ ഡൈവേഴ്‌സിറ്റി കമ്മീഷൻ ചെയർമാൻ കെ. ഷിബു, എഡ്യൂക്കേഷൻ കമ്മീഷൻ ചെയർമാൻ ജെ. വി. സന്തോഷ്‌, എക്സിക്യൂട്ടീവ് അംഗം റവ. രതീഷ് വെട്ടുവിളയിൽ എന്നിവർ പ്രസംഗിച്ചു.
