കോട്ടയം.വിദേശ ജോലി വാഗ്ദാനം ചെയ്ത് ലക്ഷങ്ങൾ തട്ടിപ്പ് നടത്തിയ കേസിൽ ബിഷപ്പ് അറസ്റ്റിൽ.മണിമല കേന്ദ്രീകരിച്ച് പ്രവർത്തിക്കുന്ന ഇവാഞ്ചലി ക്കൽ സഭയുടെ ബിഷപ്പ് സന്തോഷ് പി ചാക്കോയാണ് പിടിയിലായത്. കുറച്ച് സ്വദേശി നൽകിയ പരാതിയിൽ ചിങ്ങവനം പോലീസ് ആണ് ബിഷപ്പിനെ അറസ്റ്റ് ചെയ്തത് .
ഏതാനം മാസങ്ങൾക്ക് മുൻപായിരുന്നു കേസിനാസ്പദമായ സംഭവം..
കുറിച്ചി സ്വദേശിയായ അബിൻ എന്ന വ്യക്തിയിൽ നിന്നാണ് ബിഷപ്പ് പണം തട്ടിയത് .
അമേരിക്കയിൽ ജോലി വാഗ്ദാനം ചെയ്ത് രണ്ടര ലക്ഷത്തോളം രൂപ ബിഷപ്പ് സന്തോഷ് പി ചാക്കോ വാങ്ങിയെന്നാണ് പരാതി . എന്നാൽ പറഞ്ഞ സമയത്തിനുള്ളിൽ വിസ അടക്കം ലഭിക്കാതെ വന്നു. ഇതോടെ പരാതിക്കാരൻ പണം തിരികെ ചോദിച്ചു . എന്നാൽ പണവും തിരികെ നൽകാതെ വന്നതോടെയാണ് ചിങ്ങവനം പോലീസിൽ പരാതി നൽകിയത്.
തട്ടിപ്പ് നടത്തിയ ശേഷം മുങ്ങിയ പ്രതി തന്ത്രപൂർവ്വം വിളിച്ചുവരുത്തിയാണ് ചിങ്ങവനം പോലീസ് അറസ്റ്റ് ചെയ്തത് . പ്രതിയെ കോടതിയിൽ ഹാജരാക്കി റിമാൻഡ് ചെയ്തു . സംസ്ഥാനത്തിന്റെ വിവിധ ഭാഗങ്ങളിൽ സമാനമായ രീതിയിൽ തട്ടിപ്പ് നടത്തിയിട്ടുണ്ടെന്നാണ് പോലീസിന്റെ പ്രാഥമിക കണ്ടെത്താൽ . മുൻപ് മറ്റൊരു സഭയിൽ വൈദികനായിരുന്ന പ്രതി, സ്വന്തമായി സഭ രൂപീകരിക്കാനുള്ള ശ്രമത്തിലായിരുന്നു .
