Advertisement
പാലക്കാട് കാട്ടാന ആക്രമണത്തില് ടാപ്പിങ് തൊഴിലാളിയെ മരിച്ച നിലയില് കണ്ടെത്തി. കോട്ടപ്പള്ളി സ്വദേശിയായ ഉമ്മര് വാല്പ്പറമ്പന് (65)ആണ് കൊല്ലപ്പെട്ടത്. എടത്തുനാട്ടുകരയില് ജനവാസമേഖലയോട് ചേര്ന്നുള്ള വനത്തിനുള്ളിലാണ് മൃതദേഹം കണ്ടത്. കാട്ടാനയുടെ ആക്രമണം മൂലമാണ് മരണം സംഭവിച്ചതെന്ന് വനംവകുപ്പ് ഉദ്യോഗസ്ഥര് സ്ഥിരീകരിച്ചു.
പ്രദേശത്തുള്ള റബര് തോട്ടത്തില് രാവിലെ ജോലിയ്ക്ക് പോയതാണ് ഉമ്മര്. അതിനുശേഷം ഇയാളെ കാണാതാകുകയായിരുന്നു. തുടര്ന്ന് നടത്തിയ അന്വേഷണത്തിലാണ് വനത്തിനോട് ചേര്ന്ന പ്രദേശത്ത് ഇയാളെ മരിച്ചനിലയില് കണ്ടെത്തിയത്. ആനയുടെ തുമ്പിക്കൈ കൊണ്ടുള്ള അടിയേറ്റാണ് മരണമെന്നാണ് പ്രാഥമിക നിഗമനം.
Advertisement
