Advertisement
കോഴിക്കോട്: കൊടുവള്ളിയില്‍ നിന്ന് യുവാവാവായ അനൂസ് റോഷനെ തട്ടിക്കൊണ്ടുപോയ സംഭവത്തില്‍ ഒരാളെ കൂടി പോലീസ് കസ്റ്റഡിയിലെടുത്തു.
ഇതോടെ പോലീസ് കസ്റ്റഡിയില്‍ ഉള്ളവരുടെ എണ്ണം മൂന്നായി.
പിടിയിലായ രണ്ട് പേര്‍ കൊണ്ടോട്ടി സ്വദേശികളും, ഒരാള്‍ കിഴക്കോത്ത് സ്വദേശിയുമാണ്. കാറില്‍ എത്തിയ മറ്റു പ്രതികളെ കുറിച്ച്‌ സൂചന ലഭിച്ചതായാണ് വിവരം.
അതിനിടെ അനൂസ് റോഷനെ തട്ടിക്കൊണ്ടു പോയ കാറിന്റെ നമ്പര്‍ പ്ലേറ്റ് വ്യാജമാണെന്നു പൊലീസ് കണ്ടെത്തി. അനൂസിനായി പൊലീസ് തിരച്ചില്‍ തുടരുകയാണ്.
ശനിയാഴ്ചയാണ് അനൂസിനെ കാറില്‍ എത്തിയ സംഘം തട്ടിക്കൊണ്ടുപോയത്. അനൂസിന്റെ വിദേശത്തുള്ള സഹോദരന്‍ അജ്മലുമായുള്ള സാമ്പത്തിക തര്‍ക്കമാണ് തട്ടിക്കൊണ്ടുപോകലിനു പിന്നില്‍ എന്നാണു സൂചന.
Advertisement
