തിരുവനന്തപുരം. കെപിസിസി അധ്യക്ഷനെ ചൊല്ലിയുള്ള കോൺഗ്രസിലെ നീക്കങ്ങളിൽ യു.ഡി.എഫ് ഘടകകക്ഷികൾക്കും ആശങ്ക. കോൺഗ്രസിലെ പോര് ഗുണം ചെയ്യില്ലെന്ന് വിലയിരുത്തൽ. അനിശ്ചിതത്വം വേഗത്തിൽ അവസാനിപ്പിക്കണമെന്ന് ഘടകകക്ഷികൾ
സുധാകരനെ മാറ്റുമ്പോൾ ജനപ്രിയനായ നേതാവ് അധ്യക്ഷപദവിയിൽ വരണമെന്നും ചില ഘടകകക്ഷികൾക്ക് അഭിപ്രായം. കണ്ണൂരിലും പൂഞ്ഞാറിലും കെ സുധാകരനെ അനുകൂലിച്ച്‌ പോസ്റ്ററുകൾ. കെ സുധാകരനെ പിന്തുണച്ച് ഫ്ലെക്സ് ബോർഡുകൾ
കെപിസിസി പ്രസിഡണ്ട് കെ സുധാകരനെ പിന്തുണച്ച് പൂഞ്ഞാറിൽ ഫ്ലക്സ് ബോർഡുകൾ.സേവ് കോൺഗ്രസ് രക്ഷാസമിതിയുടെ പേരിലാണ് ഫ്ലക്സ് ബോർഡുകൾ. സുധാകരൻ കെപിസിസി പ്രസിഡണ്ട് ആയി തുടരട്ടെ എന്ന് ഫ്ലക്സ് ബോർഡുകളിൽ. യുഡിഎഫ് അധികാരത്തിൽ വരാൻ നട്ടെല്ലുള്ള നായകൻ വേണമെന്ന് ഫ്ലക്സിൽ ഉണ്ട്. കെ സുധാകരൻ തുടരണമെന്ന് ആവശ്യപ്പെട്ടാണ് കണ്ണൂർ നഗരത്തിൽ പോസ്റ്റർ പ്രത്യക്ഷപ്പെട്ടത്
അതിനിടെ അധ്യക്ഷ ചർച്ചയിൽ കാത്തോലിക്ക സഭ ഇടപെട്ടെന്ന വാർത്തകൾ തള്ളി ദീപിക. കോൺഗ്രസ് നേതൃത്വത്തെ രൂക്ഷമായി വിമർശിച്ചു, ദീപിക മുഖ പ്രസംഗം. അധ്യക്ഷൻ്റെ മതം അല്ല പാർട്ടിയുടെ മതേതരത്വം ആണ് മുഖ്യമെന്നു ഓർമപ്പെടുത്തൽ
ഭരണത്തിൽ എത്തുമെന്ന് തോന്നിയപ്പോൾ ഉള്ള കലാപമാണ് കോൺഗ്രസിലേത്. അതാണ് കെപിസിസി അധ്യക്ഷന്റെ കാര്യത്തിൽ കാണുന്നത്
ഞങ്ങൾക്ക് ഇത്ര മന്ത്രി വേണം ,കെപിസിസി അധ്യക്ഷ പദവി വേണം എന്നൊന്നും പറയാൻ കത്തോലിക്കാ സഭയില്ല. സ്ഥാനമാനങ്ങളുടെ വീതം വെപ്പല്ല പ്രധാനം. നീതിയുടെ വിതരണമാണ് പ്രധാനം എന്നും ദീപിക
