തിരുവനന്തപുരം. കഴക്കൂട്ടത്ത് കള്ളനോട്ടുമായി അതിഥി തൊഴിലാളി അറസ്റ്റിൽ.ആസ്സാം സ്വദേശി പ്രേംകുമാർ ബിസ്വാസ് ആണ് അറസ്റ്റിലായത്. 29,000 രൂപയുടെ കള്ളനോട്ടുകളാണ് പോലീസ് പിടിച്ചെടുത്തത്
കഴക്കൂട്ടം കരിയിൽ അസം സ്വദേശിയായ ബിസ്വാസ് താമസിക്കുന്ന വാടക വീട്ടിൽ നിന്നാണ് 29000 കള്ളനോട്ടുകൾ കണ്ടെടുത്തത്. പിടിച്ചെടുത്തവയെല്ലാം 500ന്റെ നോട്ടുകളാണ്.രഹസ്യ വിവരത്തിന്റെ അടിസ്ഥാനത്തിൽ ഡാൻസാഫ് സംഘം നടത്തിയ പരിശോധനയിലാണ് കള്ള നോട്ടുകൾ കണ്ടെടുത്തത്.പേഴ്സിൽ നിന്നും ആദ്യം അഞ്ഞൂറിൻ്റെ 6 നോട്ടുകൾ പോലീസ് കണ്ടെടുത്തു.പിന്നാലെ അറസ്റ്റ് രേഖപ്പെടുത്തി നടത്തിയ പരിശോധനയിലാണ് ബാക്കി തുക വാടകവീട്ടിനുള്ളിലെ ബാഗിൽ നിന്നും പോലീസ് കണ്ടെടുത്തത്.കൂടുതൽ അന്വേഷണത്തിനായി കേസ് ക്രൈംബ്രാഞ്ചിന് കൈമാറും.പ്രതിയെ കൂടുതൽ ചോദ്യം ചെയ്‌താൽ മാത്രമേ കള്ള നോട്ടിന്റെ ഉറവിടം വ്യക്തമാവുകയുള്ളൂ എന്നും പോലീസ് പറയുന്നു.
