സംസ്ഥാനത്ത് രണ്ടിടങ്ങളിൽ ഒഴുക്കിൽപ്പെട്ട് മൂന്നു വിദ്യാർഥികൾ മരിച്ചു. വയനാട് മാനന്തവാടി വാളാട് പുലിക്കാട് ചെക്ക്ഡാമിൽ രണ്ടു പേരും കാലടി പെരിയാറിൽ ഒരു വിദ്യാർഥിയുമാണ് മുങ്ങിമരിച്ചത്
ഇന്ന് ഇന്ന് വൈകുന്നേരം മൂന്നു പേരാണ് കാലടി മേക്കാലടിയിൽ പെരിയാറിൽ കുളിക്കാൻ ഇറങ്ങിയത്. മൂന്നുപേരും ഒഴുക്കിൽ പ്പെട്ടെങ്കിലും രണ്ടുപേരെ രക്ഷപ്പെടുത്തി.മേക്കാലടി സ്വദേശി ദുൽഖീബാണ് മരിച്ചത്. വൈകുന്നേരം നാലരയോടെയാണ് അഞ്ച് അംഗസംഘം വാളാട് പുലിക്കാട് ചെക്ക് ഡാമിൽ കുളിക്കാൻ എത്തിയത്. കുളിക്കുന്നതിനിടെ രണ്ടു പേർ മുങ്ങി പോവുകയായിരുന്നു.കൂട്ടുകാർ ബഹളം വച്ചതോടെ പ്രദേശവാസികളും വാളാട് റസ്ക്യൂടീമും സ്ഥലത്തെത്തി ഇവരെ മാനന്തവാടി മെഡിക്കൽ കോളേജിൽ എത്തിച്ചെങ്കിലും ജീവൻ രക്ഷിക്കാനായില്ല.
വാഴപ്ലാം അജിൻ ബിനു,കളപ്പുരക്കൽ ക്രിസ്റ്റി ബിനീഷ് എന്നിവരാണ് മരിച്ചത്.അജിൻ കല്ലോടി സെൻറ് ജോസഫ് സ്കൂളിൽ നിന്ന് പത്താം ക്ലാസ് പരീക്ഷ കഴിഞ്ഞ് ഫലം കാത്തിരിക്കുകയാണ്.പിതാവ് ബിനു പത്തുമാസം മുമ്പ് ബൈക്ക് അപകടത്തിൽ മരിച്ചിരുന്നു.ക്രിസ്റ്റി എട്ടാം ക്ലാസ് വിദ്യാർത്ഥിയാണ്
