കോഴഞ്ചേരി സെന്റ് തോമസ് കോളേജ് അലുംനൈ തിരുവനന്തപുരം ചാപ്റ്റർ ‘സ്നേഹക്കൂട് -25’ എന്ന പരിപാടി ജൂബിലി മെമ്മോറിയൽ അനിമേഷൻ സെന്ററിൽ ഐ എം ജി ഡയറക്ടർ ഡോ കെ ജയകുമാർ ഉദ്‌ഘാടനം ചെയ്തു. വിദ്യാർത്ഥി കാലത്ത് സ്വന്തമയുണ്ടായിരുന്ന നിർമലതയും നിഷ്കളങ്കതയും നഷ്ടപ്പെടുത്തരുതെന്നും വിവിധ തുറകളിൽ കൈവരിച്ച നേട്ടങ്ങൾ പുതിയ തലമുറയ്ക്ക് പകർന്നു കൊടുക്കാൻ കഴിയുമ്പോഴാണ് മാതൃ വിദ്യാലയത്തോട് നീതി പുലർത്തപ്പെടുന്നതെന്നും ഡോ ജയകുമാർ പറഞ്ഞു.
പ്രസിഡന്റ് ടി എം മാത്യു അധ്യക്ഷനായി.
കോളേജിന്റെ പൂർവ വിദ്യാർഥികളായ മുൻ പ്രധാന മന്ത്രിയുടെ പ്രിൻസിപ്പൽ സെക്രട്ടറി ഡോ ടി കെ എ നായർ, മുൻ മേയർ കെ ചന്ദ്രിക, വിക്ടർ ടി തോമസ് കോഴഞ്ചേരി, ജനറൽ കൺവീനർ ടി ജെ മാത്യു മാരാമൺ, സെക്രട്ടറി വിൽസൺ ടി തോമസ്, ട്രഷറര്‍ അഡ്വ എ ഗോപകുമാർ, ജേക്കബ് ജോർജ്, മെയ്മി വർഗീസ്, ഡോ ടി ആർ ഗോപാലകൃഷ്ണൻ, തോമസ് മാത്തൻ, ജോർജ് വർഗീസ്, വനിതാ സെക്രട്ടറി ജെസ്സി അലക്സ് എന്നിവർ പ്രസംഗിച്ചു. സാഹിത്യകാരൻ കെ പി ഗോപാലകൃഷ്ണൻ, ഫുട്ബോൾ താരം റിട്ട. ഡി എസ് പി അലക്സ് എബ്രഹാം എന്നിവരെ ചടങ്ങിൽ ആദരിച്ചു.
‘ഓർമ്മപ്പൂക്കൾ’ എന്ന സ്മരണികയുടെ പ്രകാശനം ഡോ കെ ജയകുമാർ നിർവഹിച്ചു. വിവിധ കലാപരിപാടികളും ഉണ്ടായിരുന്നു.
