കട്ടപ്പന: സ്വർഗ്ഗരാജ്യം വരേണമേ എന്ന
കർത്താവിൻ്റെ പ്രാർത്ഥന ചൊല്ലിയാൽ മാത്രം പോരാ അതിനനുസരിച്ച് പ്രവർത്തനവും ഉണ്ടാകണമെന്ന് സി എസ് ഐ ഈസ്റ്റ് കേരള ബിഷപ്പ് റൈറ്റ് റവ.വി എസ് ഫ്രാൻസിസ് പറഞ്ഞു കേരളകൗൺസിൽ ഓഫ് ചർച്ചസ്
(കെസിസി) ക്ലർജി കമ്മിഷൻ ജില്ലാ വൈദീക സമ്മേളനം കട്ടപ്പന
സി എസ് ഐ ദേവാലയത്തിൽ ഉദ്ഘാടനം ചെയ്യുകയായിരുന്നു അദ്ദേഹം.
സമൂഹത്തിൻ്റെ നന്മ തിരിച്ചറിഞ്ഞ് ക്രിസ്തീയ വിശ്വാസികൾകൾ പ്രവർത്തിക്കണം .രാജ്യത്തിൻ്റെ ഭരണഘടന തിരുത്തിയെഴുതാനുള്ള ഭരണാധികാരികളുടെ ഗൂഢനീക്കങ്ങൾ തിരിച്ചറിയാനുള ഇശ്ചാശക്തി
ക്രിസ്തീയ സമൂഹത്തിന് ഉണ്ടാകണമെന്നും ബിഷപ്പ് പറഞ്ഞു.
ജില്ലാ ചെയർമാൻ റവ.ബിനു കുരുവിള അധ്യക്ഷനായി.
ഓർത്തഡോക്സ് ചർച്ച് ഇടുക്കി രൂപതാ മെത്രാപ്പോലീത്ത ഡോ. സഖറിയാസ് മാർ സേവേറിയോസ് ശുശ്രൂഷ വെല്ലുവിളികൾ മതം, വിശ്വാസം എന്ന വിഷയത്തിൽ ക്ലാസ് നയിച്ചു.
വാഴൂർ സോമൻ എം എൽ എ,
കെ സി സി ജനറൽ സെക്രട്ടറി ഡോ. പ്രകാശ് പി തോമസ്,
സാൽവേഷൻ ആർമി പീരുമേട് ഡിവിഷണൽ കമാൻഡർ മേജർ മാത്യു ജോസ്,
കെ സി സി ക്ലർജി കമ്മീഷൻ ചെയർമാൻ, റവ.എ ആർ നോബിൾ, വെരി.റവ.ഫാദർ.വർഗ്ഗീസ് ജേക്കബ് കോർ എപ്പിസ്ക്കോപ്പ, റവ.റ്റി.ദേവപ്രസാദ്, റവ.ഡോ.ബിനോയ് പി.ജേക്കബ്, ക്ലർജി കമ്മീഷൻ സംസ്ഥാന പ്രോഗ്രാം കോഡിനേറ്റർ മേജർ റ്റി.ഇ.സ്റ്റീഫൻ സൺ എന്നിവർ പ്രസംഗിച്ചു.
