തിരുവനന്തപുരം: റാങ്ക് ലിസ്റ്റ് കാലവധി അവസാനിച്ചതിനെ തുടർന്ന്
വനിതാ കോൺസ്റ്റബിൾ തസ്തികയിൽ നിയമനം ലഭിക്കാത്ത 50 പേർക്ക് കേരള കൗൺസിൽ ഓഫ് ചർച്ചസ് (കെ സി സി ) യുടെ അംഗ സംഘടനയായ സിസ്റ്റർ ഹാത്തൂണ ഫൗണ്ടേഷൻ ജോലി നൽകുമെന്ന്
കെസിസി ജനറൽ സെക്രട്ടറി ഡോ.പ്രകാശ് പി തോമസ് അറിയിച്ചു.
വനിതാ പോലീസ് കോൺസ്റ്റബിൾ ലിസ്റ്റിന്റെ കാലാവധി അവസാനിക്കുന്നതിനു മുൻപ് നിയമനം നടത്തണം എന്ന് ആവശ്യപ്പെട്ടുകൊണ്ട് ലിസ്റ്റിൽ ഉൾപ്പെട്ടവർ സെക്രട്ടറിയേറ്റിനു മുൻപിൽ സമരം ചെയ്യുന്ന വേദിയിലെത്തിയാണ് പ്രഖ്യാപനം നടത്തിയത്. ലിസ്റ്റിൻ്റെ കാലാവധി നീട്ടാൻ യാതൊരു നടപടിയും സർക്കാരിൻറെ ഭാഗത്തുനിന്നും ഉണ്ടാത്ത സാഹചര്യത്തിൽ ഈ ഉദ്യോഗാർത്ഥികളുടെ ദുരവസ്ഥയ്ക്ക് താൽക്കാലികമായി എങ്കിലും പരിഹാരം കണ്ടെത്തുന്നതിന് വേണ്ടിയാണ് കേരള കൗൺസിൽ ഓഫ് ചർച്ചസിന്റെ അംഗ സംഘടനയായ സിസ്റ്റർ ഹാത്തുണ ഫൗണ്ടേഷൻ്റെ വിവിധ സ്റ്റാർട്ടപ്പുകളിൽ ആദ്യഘട്ടത്തിൽ 50 പേർക്ക് ജോലി നൽകുന്നത്. കോൺസ്റ്റബിൾ തസ്തികയിൽ എൻട്രി ലെവലിൽ ലഭിക്കുന്ന ശമ്പളത്തിന് ഏകദേശം അടുത്ത ശമ്പളം തന്നെ അവർക്ക് നൽകാമെന്നും ഫൗണ്ടേഷന്റെ നേതൃത്വം വഹിക്കുന്ന കെസിസിയുടെ ഇക്കോളജിക്കൽ കമ്മീഷൻ ചെയർമാൻ കമാൻഡർ ടി ഒ ഏലിയാസ് സമ്മതിച്ചിട്ടുണ്ടന്നും, ഈസ്റ്റർ കഴിഞ്ഞാലുടൻ സമരനേതാക്കളുമായി ചർച്ച ചെയ്ത് ലിസ്റ്റ് തയ്യാറാക്കുമെന്നും ഡോ.പ്രകാശ് പി തോമസ്
പറഞ്ഞു.കെ.സി സി ജില്ലാ പ്രസിഡൻ്റ് റവ.എ ആർ നോബിൾ, കറണ്ട് അഫേഴ്സ് കമ്മീഷൻ ജില്ലാ ചെയർമാൻ മേജർ റ്റി.ഇ സ്റ്റീഫൻസൺ, പരിസ്ഥിതി കമ്മീഷൻ ചെയർമാൻ അശ്വിൻ ഇ.ഹാംലറ്റ്, സീനിയർ സിറ്റിസൺ കമ്മീഷൻ ചെയർമാൻ ജെ.വർഗ്ഗീസ് എന്നിവരും സമരവേദിയിലെത്തി.
