Advertisement
ഇരുമ്പന്‍ പുളി പറിക്കാന്‍ ശ്രമിക്കവേ മരത്തിന്റെ കൊമ്പൊടിഞ്ഞ് കിണറ്റില്‍ വീണ വിദ്യാര്‍ത്ഥിക്ക് ദാരുണാന്ത്യം. കോഴിക്കോട് ചെക്യാട് മാമുണ്ടേരിയില്‍ ആണ് സംഭവം.. 10 വയസ്സുകാരന്‍ മുനവ്വറലിയാണ് മരിച്ചത്. ചെക്യാട് സൗത്ത് എം.എല്‍.പി സ്‌കൂളിലെ നാലാം ക്ലാസ് വിദ്യാര്‍ഥിയായിരുന്നു. ബുധനാഴ്ച രാവില എട്ടരയോടെ മാമുണ്ടേരിയിലെ മഹനുദ്ദീന്‍ ഉലും മദ്രസയോട് ചേര്‍ന്നുള്ള പറമ്പിലെ കിണറില്‍ വീണാണ് മരണം സംഭവിച്ചത്. പുളി പറിക്കാനായി കയറിയ കുട്ടി മരത്തിന്റെ കൊമ്പൊടിഞ്ഞ് കിണറ്റില്‍ വീഴുകയായിരുന്നു. കുട്ടിയെ ഉടന്‍ തന്നെ നാട്ടുകാര്‍ കല്ലാച്ചിയിലെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. മാമുണ്ടേരി നെല്ലിയുള്ളതില്‍ ഹമീദിന്റെ മകനാണ് മരിച്ച മുനവ്വറലി.
Advertisement
