Advertisement
കാസര്‍കോട്: നാലാംമൈലില്‍ വീടിന് സമീപത്ത് പടക്കം പൊട്ടിച്ചത് ചോദ്യംചെയ്തതിന് നാലുപേര്‍ക്ക് വെട്ടേറ്റു. നാലാം മൈലിലെ ഇബ്രാഹിം സൈനുദ്ദീന്‍, മകന്‍ ഫവാസ്, ബന്ധുക്കളായ റസാഖ്, മുന്‍ഷീദ് എന്നിവര്‍ക്കാണ് വെട്ടേറ്റത്. ഞായറാഴ്ച രാത്രി 11 മണിയോടെയായിരുന്നു സംഭവം ഉണ്ടായത്.
അയല്‍വാസിയുടെ വീട്ടില്‍ രണ്ടംഗസംഘം പടക്കം പൊട്ടിച്ചത് ഫവാസ് ചോദ്യം ചെയ്തിരുന്നു. ഇതില്‍ പ്രകോപിതരായ സംഘം തിളച്ച ചായ ഫവാസിന്റെ മുഖത്തൊഴിച്ചു. ഇതിനുശേഷം ഇബ്രാഹിം എത്തി മകനെ വീട്ടിലേക്ക് കൊണ്ടുപോകുന്ന വഴിയില്‍ വാഹനം തടഞ്ഞുനിര്‍ത്തിയായിരുന്നു പത്തംഗ സംഘത്തിന്റെ ആക്രമണം. കണ്ണില്‍ പെപ്പര്‍ സ്‌പേ അടിച്ച ശേഷം ഫവാസിനെ ആക്രമികള്‍ കുത്തി വീഴ്ത്തുകയായിരുന്നു. വധശ്രമത്തിന് വിദ്യനഗര്‍ പൊലീസ് കേസെടുത്തു. മൂന്നു പേരെ കസ്റ്റഡിയില്‍ എടുത്ത് ചോദ്യംചെയ്തുവരികയാണ്.
Advertisement
