പത്തനംതിട്ട. പുല്ലാട് മുട്ടമൺ വാഹനാപകടത്തിൽ രണ്ടുപേർ മരിച്ച സംഭവത്തിൽ കെഎസ്ആർടിസി ബസ് ഡ്രൈവർ അറസ്റ്റിൽ . ഇന്നലെ രാത്രി അപകടത്തിന് ശേഷം ഓടിരക്ഷപ്പെട്ട തിരുവനന്തപുരം വിതുര സ്വദേശി ലിജിൻ ലാൽ ആണ് പിടിയിലായത് . നിയന്ത്രണം വിട്ട കെഎസ്ആർടിസി ബസ് കാറിൽ ഇടിച്ച് കാർ യാത്രികരായ രണ്ടുപേർക്കാണ് ഇന്നലെ ജീവൻ നഷ്ടമായത് . കാറുണ്ടായിരുന്ന മറ്റു രണ്ടുപേർ ഗുരുതരാവസ്ഥയിൽ തുടരുകയാണ്
ഇന്നലെ രാത്രി 9 10 ഓടെയാണ് പുല്ലാട് മുട്ട മണ്ണിൽ വച്ച് അപകടമുണ്ടായത് .അമിതവേഗത്തിൽ തെറ്റായ ദിശയിൽ നിന്ന് വന്ന കെഎസ്ആർടിസി ബസ് കുമ്പനാട് വാടകയ്ക്ക് താമസിക്കുന്ന റാന്നി സ്വദേശികൾ സഞ്ചരിച്ച കാറിനെ ഇടിച്ചുതെറിപ്പിക്കുകയായിരുന്നു .അപകടത്തിൽ കാറോടിച്ചിരുന്ന വി ജി രാജനതൽക്ഷണം മരണ സംഭവിച്ചു .ഭാര്യ റീന രാജൻ ആശുപത്രിയിൽ എത്തിയെങ്കിലും മരിച്ചു .കാറിൽ ഉണ്ടായിരുന്ന കൊച്ചുമകൾ മൂന്നര വയസ്സുകാരി ജുവന തിരുവല്ല ബിലിവേഴ്സ് ആശുപത്രിയിൽ വെന്റിലേറ്ററിൽ തുടരുകയാണ് . ജൂവനയുടെ അമ്മയും രാജന്റെയും റീനയുടെയും മകളുമായ ഷേബയും ഗുരുതര പരിക്കുകളോടെ ചികിത്സയിലാണ് . അപകട ശേഷം ഓടിരക്ഷപ്പെട്ട കെഎസ്ആർടിസി ബസ് ഡ്രൈവർ തിരുവനന്തപുരം വിതുര സ്വദേശി ലിജിൻ ലാലിനെ തിരുവനന്തപുരത്ത് എത്തിയാണ് കോഴിപ്പുറം പോലീസ് കസ്റ്റഡിയിലെടുത്തത് . ഇയാളെ ഉടൻതന്നെ കോടതിയിൽ ഹാജരാക്കുമെന്ന് പോലീസ് അറിയിച്ചു
