കൊച്ചി. തൃശ്ശൂർ പൂരം വിവാദത്തിൽ സിപിഐ- സിപിഎം പോര് വീണ്ടും കടുക്കുന്നു.
പൂരം കലങ്ങിയിട്ടില്ലെന്ന മുഖ്യമന്ത്രിയുടെ പ്രസ്താവനയിലാണ് തർക്കം. മുഖ്യമന്ത്രിയെ തള്ളി ബിനോയ് വിശ്വവും കെ രാജനും രംഗത്തെത്തി. പൂരം കലക്കലിൽ കേസെടുത്താൽ മുഖ്യമന്ത്രി പിണറായി വിജയൻ ഒന്നാംപ്രതിയാകും എന്ന് വിഡി സതീശനും പ്രതികരിച്ചു
പൂരം വിവാദത്തിൽ ത്രിതല അന്വേഷണം പുരോഗമിക്കുന്നതിനിടയാണ് മുഖ്യമന്ത്രിയുടെ വിവാദ പ്രസ്താവനയിൽ സിപിഐ – സിപിഐഎം പോര്. പൂരം നടക്കേണ്ടതു പോലെ നടന്നിട്ടില്ലെന്നും നടത്താൻ സമ്മതിച്ചില്ലന്നും സിപിഐ സംസ്ഥാന സെക്രട്ടറി ബിനോയ് വിശ്വം.
മുഖ്യമന്ത്രിയുടെ പ്രസ്താവനയിൽ വൈരുദ്ധ്യം ഇല്ലെന്നായിരുന്നു മന്ത്രി കെ രാജന്റെ പ്രതികരണം.പൂരം കലക്കാനുള്ള ശ്രമം നടത്തിയെങ്കിലും വിജയിച്ചില്ലെന്ന് സിപിഐഎം സംസ്ഥാന സെക്രട്ടറി എം വി ഗോവിന്ദൻ
മുഖ്യമന്ത്രിയുടെ അറിവോടെയാണ് പൂരം കലക്കിയതെന്ന ആരോപണം പ്രതിപക്ഷ നേതാവ് വി ഡി സതീശൻ ആവർത്തിച്ചു.മുഖ്യമന്ത്രിയുടെ പരാമർശം തള്ളി പാറമേക്കാവ്, തിരുവമ്പാടി ദേവസ്വങ്ങളും രംഗത്തെത്തി.
