Advertisement
. കർണാടകയിലെ ഷിരൂരിൽ മണ്ണിടിച്ചിലിൽ കാണാതായ അർജുൻ ഉൾപ്പടെയുള്ളവർക്കായി ഡ്രഡ്ജർ ഉപയോഗിച്ചുള്ള തിരച്ചിൽ ഇന്നും തുടരും. ഐബോഡ് ഡ്രോൺ പരിശോധനയിൽ ലോഹസാന്നിധ്യം കണ്ടെത്തിയ സ്‌പോട്ട് ഫോർ കേന്ദ്രീകരിച്ചായിരിക്കും തിരച്ചിൽ. റിട്ട. മേജർ ജനറൽ എം.ഇന്ദ്രബാലൻ ദൗത്യം ഏകോപിപ്പിക്കും. വരും ദിവസങ്ങളിൽ മറ്റ് മൂന്ന് സ്പോട്ടുകളിൽ കൂടി തിരച്ചിൽ നടത്തും. നാവികസേന അടയാളപ്പെടുത്തിയ സ്ഥലത്തെ തിരച്ചിലിൽ അർജുന്റെ ലോറിയുടെ ഭാഗങ്ങൾ കണ്ടെത്തിയിരുന്നു. അവിടുത്തെ മണ്ണ് നീക്കം ചെയ്തുള്ള തിരച്ചിൽ അവസാനിപ്പിച്ചു. അതേസമയം ഉത്തര കന്നഡ ജില്ലയിൽ ഇന്ന് മുതൽ മൂന്ന് ദിവസം ശക്തമായ മഴയുണ്ടാകുമെന്നാണ് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്
Advertisement
