മാന്നാര് കൊലപാതക കേസില് പോലീസ് കസ്റ്റഡിയിലുള്ള മൂന്ന് പ്രതികളെ ആറ് ദിവസത്തെ പോലീസ് കസ്റ്റഡിയില് വിട്ടു. കൊല്ലപ്പെട്ട കലയുടെ ഭര്ത്താവ് അനില്കുമാറിന്റെ ബന്ധുക്കളും സുഹൃത്തുക്കളും അടക്കം കൊലപാതകത്തില് നേരിട്ടും അല്ലാതെയും പങ്കുള്ളവരില് മൂന്ന് പേരെയാണ് ജൂലായ് 8 വരെ കസ്റ്റഡിയില് വിട്ടത്. ഇവരെ വിശദമായി ചോദ്യം ചെയ്യും.
അനില്കുമാറിന്റെ വീട്ടിലെ സെപ്റ്റിക് ടാങ്കില് നിന്നും കണ്ടെടുത്ത അവശിഷ്ടങ്ങള് ശാസ്ത്രീയ പരിശോധനകള്ക്കായി അയച്ചിട്ടുണ്ട്. ശാസ്ത്രീയ പരിശോധനക്ക് ശേഷമേ മൃതദേഹം കലയുടേതാണോ എന്ന കാര്യത്തില് വ്യക്തത വരൂ. കേസില് കലയുടെ ഭര്ത്താവ് അനിലിനെ ഒന്നാം പ്രതിയാക്കി എഫ്ഐആര് രജിസ്റ്റര് ചെയ്തിട്ടുണ്ട്. ഇസ്രായേലിലുള്ള ഇയാളെ നാട്ടിലെത്തിക്കാനുള്ള നടപടികള് പുരോഗമിക്കുകയാണെന്നും പോലീസ് അറിയിച്ചു.
കലയ്ക്ക് മറ്റൊരാളുമായി ബന്ധമുണ്ടെന്ന സംശയത്തിന്റെ പേരിലാണ് കൊല നടത്തിയത്. പ്രതികള് മൃതദേഹം മറവ് ചെയ്ത് തെളിവുകള് നശിപ്പിച്ചെന്നും എഫ്ഐആറില് പറയുന്നുണ്ട്.
