Advertisement
തിരുവനന്തപുരം. കരമന അഖിൽ വധക്കേസിൽ തെളിവെടുപ്പ് പൂർത്തിയായി. കൊലപാതകം നടന്ന സ്ഥലത്തും ഗൂഢാലോചന നടന്ന സ്ഥലത്തും പ്രതികളെ എത്തിച്ച് ഇന്ന് തെളിവെടുപ്പ് നടത്തി. കനത്ത പോലീസുരക്ഷയിലും പ്രതികൾക്ക് നേരെ ബന്ധുക്കളുടെ പ്രതിഷേധം ഉയർന്നു. അസഭ്യം പറയലും ഭീഷണിയും ഒഴിച്ചുനിർത്തിയാൽ മറ്റ് സംഭവങ്ങൾ ഉണ്ടായില്ല.കേസിൽ എട്ട് പ്രതികളാണുള്ളത്. കൊലപാതകത്തിൽ നേരിട്ട് പങ്കാളികളായ വിനീഷ് രാജ്, അപ്പു എന്ന അഖിൽ, സുമേഷ്, കൊലപാതകത്തിന് ഉപയോഗിച്ച കാറിന്റെ ഡ്രൈവർ അനീഷ്, ഗൂഢാലോചനയിൽ പങ്കാളികളായ അരുൺ ബാബു, അഭിലാഷ്, ഹരിലാൽ, കിരൺ കൃഷ്ണ എന്നിവരാണ് പ്രതികൾ. കസ്റ്റഡി കാലാവധി പൂർത്തിയായ പ്രതികളെ കോടതിയിൽ ഹാജരാക്കി റിമാൻഡ് ചെയ്തു
Advertisement
