Advertisement
മദ്യലഹരിയില്‍ ബാറിനുമുന്നില്‍ പെരുമ്പാമ്പിനെ കഴുത്തിലിട്ട് അഭ്യാസം നടത്തിയ ആള്‍ പിടിയില്‍. അടൂര്‍ പറക്കോട് സ്വദേശി ദീപുവാണ് പിടിയിലായത്. റോഡരികിലെ ഓവുചാലില്‍നിന്ന് പിടികൂടിയ പാമ്പുമായാണ് ഇയാള്‍ അഭ്യാസം നടത്തിയത്.
ഇന്നലെ വൈകിട്ട് അഞ്ചു മണിയോടെയായിരുന്നു സംഭവം. ഓവുചാലില്‍ പെരുമ്പാമ്പിനെ കണ്ട് ജനം തടിച്ചുകൂടിയിരുന്നു. മദ്യലഹരിയിലായിരുന്ന ദീപു ഉടന്‍തന്നെ പാമ്പിനെ പിടികൂടി. പിന്നീട് അതിനെ തോളിലിട്ട് ‘പ്രകടനം’ നടത്തി. ഇതിന്റെ ദൃശ്യങ്ങള്‍ സമൂഹമാധ്യമങ്ങളിലടക്കം പ്രചരിച്ചിരുന്നു. സംഭവത്തില്‍ ദീപുവിനും പാമ്പിനും പരിക്കുകളൊന്നുമില്ല.
Advertisement
