ധാക്ക.ബംഗ്ലാദേശിൽ അതിക്രൂര ആക്രമണത്തിന് ഇരയായ ഹിന്ദു ന്യൂനപക്ഷ വിഭാഗത്തിലെ യുവാവ് മരിച്ചു. അത്യാസന്ന നിലയിൽ ചികിത്സയിലിരിക്കെ ആണ് മരണം. വ്യാപാരിയായ ഖോകോൺ ചന്ദ്ര ദാസിനെ
അതിക്രൂരമായി മർദ്ദിച്ച് അക്രമികൾ തീ കൊളുത്തുകയായിരുന്നു.
ധാക്കയിലെ ആശുപത്രിയിൽ അത്യാസന നിലയിൽ ചികിത്സയിലിരിക്കെയാണ് ഖോകോൺ ചന്ദ്ര ദാസിന്റെ മരണം.
ശരിയത്ത്പൂർ സ്വദേശിയായ ഖോകോൺ
ചന്ദ്രദാസിന് നേരെ ബുധനാഴ്ചയാണ് ആക്രമണം ഉണ്ടായത്. മെഡിസിൻ,
മൊബൈൽ ബാങ്കിങ് ബിസിനസ് നടത്തുകയായിരുന്ന ഖോകോൺ ചന്ദ്ര ദാസ്
രാത്രി കടയടച്ച് വീട്ടിലേക്ക് മടങ്ങുന്നതിനിടെയാണ് ആക്രമണം ഉണ്ടായത്.
മൂർച്ചയേറിയ ആയുധങ്ങൾ ഉപയോഗിച്ച് അതിക്രൂരമായി ആക്രമിച്ചു. പിന്നാലെ ആക്രമികൾ തലയിൽ പെട്രോൾ ഒഴിച്ച് തീ കൊളുത്തി. ജീവൻ രക്ഷാർത്ഥം അടുത്തുള്ള കുളത്തിലേക്ക് ചാടിയ ഖോകോൺ ചന്ദ്രദാസിനെ ഗുരുതര പരുക്കുകളോടെ ആശുപത്രിയിൽ പ്രവേശിപ്പിച്ചിരുന്നു. ആക്രമണത്തിന്റെ കാരണം അറിയില്ലെന്നായിരുന്നു കുടുംബത്തിൻറെ പ്രതികരണം. ആക്രമണത്തിന് പിന്നിലുള്ള രണ്ടുപേരെ പോലീസ് തിരിച്ചറിഞ്ഞതായാണ് റിപ്പോർട്ടുകൾ. അടുത്തിടെ ബംഗ്ലാദേശിൽ
ഹിന്ദു ന്യൂനപക്ഷ വിഭാഗങ്ങൾക്ക് നേരെ ഉണ്ടായ ആക്രമണങ്ങളിൽ കൊല്ലപ്പെടുന്ന
നാലാമത്തെ ആളാണ് ഖോകോൺ ചന്ദ്രദാസ്
