തിരുവനന്തപുരം: പൂന്തുറയിൽ അമ്മയും മകളും വീടിനുള്ളിൽ മരിച്ച നിലയിൽ കണ്ടെത്തി. സജന, ഗ്രീമ എന്നിവരാണ് മരിച്ചത്.
വിഷം കഴിച്ച് മരിച്ചെന്നാണ് പ്രാഥമിക നിഗമനം. ആത്മഹത്യ കുറുപ്പ് എഴുതി ബന്ധുക്കൾക്ക് അയച്ചുകൊടുത്തതിനുശേഷം ആയിരുന്നു ആത്മഹത്യ.
വീടിന്റെ വാതിൽ തുറക്കാഞ്ഞതോടെ സമീപത്തുള്ളവർ പോലീസിനെ വിവരം അറിയിക്കുകയും പോലീസ് വന്ന് വീട് ചവിട്ടി തുറന്നപ്പോഴാണ് അമ്മയും മകളും മരിച്ചുകിടക്കുന്നത് കണ്ടത്. ഹാളിലെ സോഫാ സെറ്റിയിൽ മകളുടെ പുറത്തുകൂടി അമ്മ മരിച്ചു കിടക്കുകയായിരുന്നു.
ഗ്രീമാ ഭർത്താവുമായി അകന്നു കഴിയുകയായിരുന്നു. ഭർത്താവ് ഉണ്ണികൃഷ്ണൻ ആറു വർഷമായി വിദേശത്താണ്. ഉണ്ണികൃഷ്ണന്റെ ബന്ധുവിന്റെ മരണത്തിന് ഉണ്ണികൃഷ്ണൻ ഇന്നലെ എത്തിയിരുന്നു. അവിടെവച്ച് ഇവർ തമ്മിൽ കാണുകയും സംസാരം ഉണ്ടായതായും ബന്ധുക്കൾ പറയുന്നു
ഫോറൻസിക് പരിശോധന തുടരുകയാണ്. പൂന്തുറ പോലീസ് സ്ഥലത്തെത്തി അന്വേഷണം ആരംഭിച്ചു.
