ദേശീയതലത്തില് തന്നെ 3 ജി സേവനം അവസാനിപ്പിക്കാനുള്ള നീക്കത്തില് പൊതുമേഖലാ ടെലികോം കമ്പനിയായ ബിഎസ്എന്എല്. നിലവില് രാജ്യത്ത് 97,841 4ജി ടവറുകള് ബിഎസ്എന്എല് സ്ഥാപിച്ചിട്ടുണ്ട്. കൂടുതല് ടവറുകള് സ്ഥാപിക്കാനുള്ള നടപടികളും പുരോഗമിക്കുന്നു.
രാജ്യമെമ്പാടും 4ജി എത്തുന്നതോടെ 3ജി നിര്ത്താനാണ് തീരുമാനം. അതായത്, 4ജിക്കൊപ്പം 3ജി സേവനം തുടരില്ല. നിലവില് 3ജി സേവനത്തിന് കമ്പനിയുമായി സഹകരിക്കുന്ന നോക്കിയ, ചൈനീസ് കമ്പനി സെഡ്ടിഇ എന്നിവയുമായുള്ള കരാറും ബിഎസ്എന്എല് അവസാനിപ്പിക്കും.
3ജി സേവനങ്ങള് അവസാനിപ്പിക്കുമെന്ന് ബിഎസ്എന്എല് ഇതുവരെയും ഔദ്യോഗികമായി പറഞ്ഞിട്ടില്ലെങ്കിലും ഇതുസംബന്ധിച്ച നടപടി സ്വീകരിക്കണമെന്ന് എല്ലാ സര്ക്കിളുകളിലും നിര്ദ്ദേശങ്ങള് നല്കിയതായാണ് റിപ്പോര്ട്ടുകള്. സെപ്റ്റംബറിലെ കണക്കുപ്രകാരം ബിഎസ്എന്എലിന് ആകെ 9.23 കോടി മൊബൈല് വരിക്കാരാണുള്ളത്. അധികം വൈകാതെ ബിഎസ്എന്എല് 5ജിയിലേക്കും പ്രവേശിക്കുമെന്നും റിപ്പോര്ട്ടുണ്ട്. ഇതില് 7 കോടിപ്പേര് ഇപ്പോഴും 3ജി സേവനമാണ് ഉപയോഗിക്കുന്നത്. ഇവര്ക്ക് ബിഎസ്എന്എല് ഓഫിസിലെത്തി 4ജി സിം നേടാം. അതേസമയം, പഴയ 3ജി ഫോണുകളോ ഫീച്ചര് ഫോണുകളോ ഉപയോഗിക്കുന്നവര് 4ജി/5ജി ഫോണിലേക്ക് അപ്ഗ്രേഡ് ചെയ്യേണ്ടിവരും.
