Advertisement
കോയമ്പത്തൂര് കൂട്ടബലാത്സംഗക്കേസില് മൂന്ന് പേർ തമിഴ്നാട് പൊലീസിന്റെ പിടിയിൽ. പൊലീസുമായുള്ള ഏറ്റുമുട്ടലിനൊടുവിലാണ് പ്രതികളായ തവാസി, കാര്ത്തിക്, കാളീശ്വരന് എന്നിവര് പിടിയിലായത്. കാലിന് വെടിവെച്ചതിന് ശേഷമാണ് പ്രതികളെ പിടികൂടിയത്. പ്രതികളെ ആശുപത്രിയില് പ്രവേശിപ്പിച്ചിരിക്കുകയാണ്.
ഞായറാഴ്ച രാത്രിയാണ് എംബിഎ വിദ്യാര്ത്ഥിനിയായ 19കാരിയെ മൂവര് സംഘം തട്ടിക്കൊണ്ടുപോയി ബലാത്സംഗത്തിന് ഇരയാക്കിയത്. കോയമ്പത്തൂര് വിമാനത്താവളത്തിന് സമീപം വൃന്ദാവന് നഗറില് ആണ്സുഹൃത്തുമായി കാറില് സഞ്ചരിക്കുമ്പോഴായിരുന്നു അക്രമം. ബൈക്കിലെത്തിയ അക്രമികള് ആണ് സുഹൃത്തിനെ മര്ദിച്ച ശേഷം പെണ്കുട്ടിയെ തട്ടിക്കൊണ്ടുപോയി ബലാത്സംഘം ചെയ്യുകയായിരുന്നു.
Advertisement
