നവരാത്രി ആഘോഷങ്ങളുടെ ഭാഗമായി സെപ്റ്റംബര് 30 ന്(ചൊവ്വാഴ്ച)സംസ്ഥാനത്ത് പൊതു അവധി പ്രഖ്യാപിച്ചു.
സര്ക്കാര്, അര്ധസര്ക്കാര്, പൊതുമേഖല സ്ഥാപനങ്ങള്ക്കും നെഗോഷ്യബിള് ഇന്സ്ട്രുമെന്റ് ആക്ട് പ്രകാരം പ്രവര്ത്തിക്കുന്ന സ്ഥാപനങ്ങള്ക്കും ഫ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമാണ്.
സെപ്റ്റംബര് 30 ന് അവധി പ്രഖ്യാപിച്ചതോടെ തുടര്ച്ചയായി മൂന്നുദിവസം സംസ്ഥാനത്ത് നവരാത്രിയുമായി ബന്ധപ്പെട്ട അവധിയാകും.
നവരാത്രി പൂജകളിൽ വളരെ പ്രാധാന്യമുള്ള ദുർഗ്ഗാഷ്ടമി ദിവസമായ 30ന് സംസ്ഥാനത്ത് പൊതു അവധി നൽകണമെന്ന് പല സംഘടനകളും ആവശ്യപെട്ടിരുന്നു. സർക്കാർ കലണ്ടറിൽ 29 പൂജവെയ്പ്പ് എന്ന് രേഖപ്പെടുത്തിയിട്ടുണ്ടെങ്കിലും ദുർഗ്ഗാഷ്ടമിയ്ക്ക് അവധിയില്ലാത്തത് വിശ്വാസികൾക്ക് ബുദ്ധിമുട്ടുണ്ടാക്കുന്നതാണെന്നായിരുന്നു അഭിപ്രായം. തൊഴിലുപകരണങ്ങളും, പുസ്തകങ്ങളും പൂജവച്ച് കഴിഞ്ഞാൽ പൂജയെടുപ്പുവരെ തൊഴിലും, വായനയും ഒഴിവാക്കണമെന്നതാണ് ആചാരം. ഇതിനാൽ 30ന് സംസ്ഥാനത്ത് പൊതു അവധി പ്രഖ്യാപിക്കണമെന്ന് ആവശ്യം ഉയർന്നിരുന്നു.
