Advertisement
കേരള ഭാഗ്യക്കുറിയുടെ തിരുവോണം ബമ്പര് നറുക്കെടുപ്പ് മാറ്റിവെച്ചു. നാളെ (ശനിയാഴ്ച) നടത്താനിരുന്ന നറുക്കെടുപ്പ് ഒക്ടോബര് നാലിലേക്കാണ് മാറ്റിയത്.
ചരക്കു സേവന നികുതിയുടെ മാറ്റവുമായി ബന്ധപ്പെട്ടും അപ്രതീക്ഷിതമായ കനത്ത മഴയിലും ടിക്കറ്റുകള് പൂര്ണമായി വില്പന നടത്താന് കഴിയാത്ത സാഹചര്യത്തില് നറുക്കെടുപ്പ് തീയതി മാറ്റിവയ്ക്കണമെന്ന ഏജന്റുമാരുടെയും വില്പനക്കാരുടെയും അഭ്യര്ഥന പരിഗണിച്ചാണ് നറുക്കെടുപ്പ് മാറ്റിവച്ചതെന്ന് അധികൃതര് അറിയിച്ചു.
തിരുവോണം ബമ്പര് ഭാഗ്യക്കുറിയുടെ ഒന്നാം സമ്മാനം 25 കോടി രൂപയാണ്. രണ്ടാം സമ്മാനമായി ഒരു കോടി രൂപവീതം 20 പേര്ക്കും മൂന്നാം സമ്മാനമായി 50 ലക്ഷം വീതം 20 പേര്ക്കും ലഭിക്കും. കൂടാതെ 5,000മുതല് 500 രൂപവരെയുള്ള സമ്മാനങ്ങളുമുണ്ട്. 500 രൂപയാണ് ടിക്കറ്റ് നിരക്ക്.
Advertisement
