പ്രധാനമന്ത്രി നരേന്ദ്രമോദിക്ക് ഇന്ന് എഴുപത്തിയഞ്ചാം പിറന്നാൾ. ലോക നേതാക്കൾ മോദി ആശംസ അറിയിച്ചു. അമേരിക്കന് പ്രസിഡന്റ് ഡോണൾഡ് ട്രംപ് നേരിട്ട് വിളിച്ച് നരേന്ദ്ര മോദിയെ ജന്മദിനത്തിൽ ആശംസ നേര്ന്നു. യഥാർഥ നേതൃത്വമെന്നാൽ മോദിയെന്ന് അമിത് ഷാ പ്രശംസിച്ചു. ഗുജറാത്തിലെ മെഹ്സാനയില് 1950 സെപ്തംബര് 17 നാണ് മോദിയുടെ ജനനം. പ്രധാനമന്ത്രിയുടെ ജന്മദിനാഘോഷത്തോടനുബന്ധിച്ച് രണ്ടാഴ്ചത്തെ വിപുലമായ ആഘോഷ പരിപാടികള്ക്ക് കേന്ദ്രസര്ക്കാരും ബിജെപിയും ഇന്ന് തുടക്കമിടും.
മോദിയുടെ ജന്മദിനത്തിന്റെ ഭാഗമായി ബിജെപിയുടെ നേതൃത്വത്തില് ഇന്നു മുതല് രണ്ടാഴ്ച രാജ്യമെമ്പാടും ‘സേവ പഖ്വാഡ’ (സേവന വാരം) ആചരിക്കും. രക്തദാന-ആരോഗ്യ ക്യാമ്പുകള്, ശുചിത്വ ദൗത്യങ്ങള്, പരിസ്ഥിതി ബോധവത്കരണം, പ്രദര്ശനങ്ങള്, ചിത്രരചനാ മത്സരങ്ങള്, വികലാംഗര്ക്കുള്ള ഉപകരണ വിതരണം, ‘മോദി വികാസ് മാരത്തണ്’ കായികമേളകള് തുടങ്ങിയവ സംഘടിപ്പിക്കും.
