Advertisement
തൃശ്ശൂരില് ബസ്സില് നിന്ന് തെറിച്ചുവീണ് യാത്രക്കാരിക്ക് ദാരുണാന്ത്യം. പൂവത്തൂര് സ്വദേശിനി നളിനിയാണ് (74) മരിച്ചത്. ഇന്ന് രാവിലെ പത്തേകാലോടെ പൂവത്തൂര് പൂച്ചക്കുന്ന് ഭാഗത്തുനിന്നും സ്വകാര്യ ബസ്സില് കയറിയ നളിനി, ഡ്രൈവര് സീറ്റിന് പുറകില് നിന്ന് ഒഴിഞ്ഞ സീറ്റിലേക്ക് മാറുന്നതിനിടെ ബാലന്സ് തെറ്റി മുന്വശത്തെ ഡോറിലൂടെ പുറത്തേക്ക് വീഴുകയായിരുന്നു. ഡോര് അടച്ചിരുന്നെങ്കിലും യാത്രക്കാരി വീണപ്പോള് തുറന്ന് പോവുകയായിരുന്നു.
ഉടന് തന്നെ പറപ്പൂര് പ്രാഥമിക ആരോഗ്യ കേന്ദ്രത്തില് എത്തിച്ചെങ്കിലും ജീവന് രക്ഷിക്കാനായില്ല. സ്വകാര്യ ഫൈനാന്സ് സ്ഥാപനത്തിലെ കളക്ഷന് ഏജന്റായിരുന്നു നളിനി. ജോലിക്ക് പോകും വഴിയാണ് അപകടം ഉണ്ടായത്. ബസ്സുകളുടെ വാതില് സുരക്ഷയെക്കുറിച്ചുള്ള ചോദ്യങ്ങള് ഈ അപകടത്തോടെ വീണ്ടും ഉയര്ന്നിട്ടുണ്ട്.
Advertisement
